Maraming katanungan pa rin ang nakapalibot sa biglaang pagpanaw ng Filipino painter na si Breanna Jonson, o kilala rin bilang Bree.
Noong Sabado, September 18, natagpuang walang buhay si Bree sa kuwartong nirentahan nito sa isang resort sa La Union. Siya ay 30 taong gulang.
Natukoy na kasama ni Bree ang angel investor at art patron na si Julian Ongpin, 29.
Kahapon, September 22, napag-alamang asphyxia o kawalan ng sapat na oxygen sa katawan ang sanhi ng pagpagaw ni Bree, base sa initial result ng unang autopsy nito.
Ibinalita ito ni Police Regional Office 1 director Brigadier General Emmanuel Peralta.
Pero hindi idinetalye ng pulisya kung ano ang nag-trigger ng asphyxia ng dalaga dahil hinihintay pa raw ang resulta ng hispathological report o pagsusuri sa tissue sample mula sa labi ng pumanaw.
INFO FROM CCTV FOOTAGE OF LA UNION RESORT
Ngayong Huwebes, September 23, naglabas ng opisyal na pahayag ang legal team mula sa Sunga Salandaan and Ampuan Law Offices, na nagrerepresenta sa pamilya ni Bree.
Sila ang naghayag ng ilang impormasyon matapos mapanood ang CCTV footage na nagpapakita ng ilan sa mga huling sandaling nakita pang buhay si Bree.
Kasama raw ng mga abogado ni Bree ang mga miyembro ng Philippine National Police at National Bureau of Investigation nang panoorin nila ito.
Sinasabing nakita sa CCTV ang pag-aaway nina Bree at Julian na labas-pasok umano sa kanilang kuwarto bago nangyari ang insidenteng pagpanaw ng dalagang pintor.
Sabi sa opisyal na pahayag ng mga abogado ng pamilya Jonson:
"Based on what we saw, Breanna and Julian had a heated altercation minutes before she was found unconscious in their hotel room.
"The two were in and out of their room for a few minutes before they eventually locked themselves in.
"Around twenty (20) minutes thereafter, Julian went outside and climbed to the fourth fourth floor."
Hindi malinaw kung ano ang ginawa ni Julian sa fourth floor.
Pero pumasok daw ulit ito ng kuwarto, at kaagad ding lumabas kaya muli itong nakita sa CCTV.
Sa labas ng kuwarto namataang sinubukang akyatin ni Julian ang bintana ng CR nila ni Bree.
Paliwanag pa rin ng legal team ng pamilya Joson: "Upon his return, he went inside the room for a few seconds then went out again to grab a ladder and positioned the same against the wall outside their room which was the room's comfort room window.
"He climbed the ladder and removed three layers of jalousie. Julian stepped down and paced by the hostel lobby.
"Julian went inside again their room for about five minutes."
Pagkatapos ay humingi ng tulong si Julian sa mga empleyado ng resort.
"Thereafter, Julian went down the stairs and a hostel staff came upon to open the room with him.
"Breanna's body can now be seen from the lobby's CCTV. Not long after, the incident was reported to the authorities and the police arrived.
"She was brought to the hospital and declared dead on arrival."
BREE'S CAMP CITES ALLEGED "SIGNS OF STRUGGLE"
Binanggit ng legal team ng pamilya ni Bree ang diumano'y "signs of struggle" na nakasaad sa isinagawang initial autopsy ng labi ng dalaga.
"Contrary to prior statements circulating on social media, the initial medicolegal report of Ilocos Training and Regional Medical Center showed signs of struggle.
"There were bruises found in some other parts of Breanna's body other than her neck. The NBI shall conduct another autopsy in Manila.
"As of now, Breanna's family have yet to receive a final and conclusive autopsy report of Breanna's body as well as a medicolegal report for Julian's alleged injuries."
Noong Lunes, September 20, sa panayam ng ANC, ipinahiwatig ng ina ni Bree na si Salome "Sally" Jonson na posible umanong may foul play sa pagkamatay ng anak.
Binanggit ni Sally ang aniya'y dalawang marka paikot sa leeg ni Bree, at mayroon din "pulang pressure" sa gitna ng leeg ng dalaga.
Pero hindi pa ito nabibigyan ng malinaw na kasugatan hanggang sa mga oras na ito dahil hindi pa lumalabas ang kumpletong resulta ng autopsy sa labi ni Bree.
Kinukuwestiyon naman ng legal team ni Bree kung bakit nagdesisyon ang piskalya na pakawalan si Julian.
Si Julian ay dinitena ng pulisya matapos makitaan ng 12.6 grams ng cocaine sa loob ng kuwarto nila ni Bree.
Nasampahan si Julian ng reklamong possession of illegal drugs.
"Despite presence of the crime's corpus delicti, as well as availablity of the only suspect for her death, the Provincial Prosecutor's Office of Agoo, La Union, resolved to release Julian on the ground that his apprehension does not allegedly fall under any of the instances where warrantless arrest is allowed."
Ang "corpus delicti" ay Latin term na ang ibig sabihin ay "body of the crime."
Dagdag na pahayag ng legal team ng pamilya Jonson: "The family and the legal team will diligently undertake to uncover the truth, exhaust all remedies to secure justice for Breanna's untimely demise, and find closure for the family, friends, and loved ones of Breanna.
"We ask everyone to respect the privacy and grief of the family during this difficult time."
JULIAN CLAIMS BREE'S INJURY WAS "SELF-INFLICTED"
Sa kabilang banda, sa salaysay ni Julian sa pulisya ay sinabi nitong kinitil umano ni Bree ang sariling buhay.
Base ito sa impormasyon mula kay Brigadier General Emmanuel Peralta.
Sabi ni Peralta sa panayam ng ANC kahapon, September 23: "Ang allegation ni Julian Ongpin, nag-commit ng suicide si Breanna.
"Maaaring chain ginamit niya to harm herself inside the CR. But that, we cannot conclude as of this time."
Nang tanungin tungkol sa mga marka sa leeg ni Bree, kinumpirma ni Peralta na nakitaan ng "ligature marks" sa leeg nito.
Sinabi rin niyang walang sign of struggle kay Bree dahil "malinis" o walang marka o sugat ang ibang bahagi ng katawan ni Bree.
Pero inconclusive pa rin daw ang anggulong suicide base sa testimonya ni Julian, hangga't hindi kumpleto ang detalye mula sa autopsy report.
Tinanong si Peralta kung sa pakikipag-usap ng pulisya ay lumabas na may ideya si Julian kung may history ng depression si Bree.
Ang tanging sinabi ni Peralta ay may natagpuang PWD o person with disability ID na pag-aari ni Bree. Napag-alaman ditong may "psychosocial disability" ang dalaga.
Nakitaan din umano sa kuwarto ng "anti-depressant medicines" na ipinasa na raw sa crime laboratory office ng pulisya.
WHY JULIAN GOT RELEASED DESPITE POSSESSION OF ILLEGAL DRUGS
Idinetalye ni Peralta ang timeline of events sa insidente upang klaruhin kung bakit pinakawalan ng pulisya si Julian kahit nahulian ito ng cocaine.
Ayon kay Peralta, "almost 5 a.m." noong Sabado, September 18, nang rumesponde ang pulisya sa insidente sangkot sina Bree at Julian.
Sinalubong daw ni Julian ang pulisya sa pinto ng kuwarto nito sa resort, at dito natagpuan ng pulisya si Bree, na noo'y nakahiga sa kama sa kuwarto.
Tumawag daw ng disaster response team sa munisipyo at nakitang walang pulso si Bree, kaya isinugod ito sa ospital kunsaan idineklara itong dead on arrival.
Ang SOCO personnel na rumesponde ang nakakita ng sachets ng cocaine, na 12.6 grams ang dami, sa kuwarto nina Bree at Julian.
Nang sumailalim si Julian sa drug test ay nagpositibo ito sa cocaine kaya dinitena ito ng pulisya.
Noong Lunes ng umaga, September 20, hinainan siya ng pulisya ng reklamong paglabag sa Sections 11 at 15 ng Republic Act 9165 o Comprehensive Drugs Act—o alleged possession of illegal drugs at use of dangerous drugs, respectively.
Nakasaad sa batas na non-bailable offense ang illegal possession of drugs na higit 10 grams.
Pero ayon pa rin kay Peralta, "almost 1 p.m." ay naglabas ang La Union Provincial Prosecutor's Office ng desisyon na pakawalan si Julian.
Sabi sa bahagi ng resolusyon, na pirmado ni Provincial Prosecutor Braulio Tade: "The case is not proper for inquest proceedings. The apprehension of the respondent does not fall under any of the instances of where warantless arrest is allowed."
Dagdag ni Peralta, "Yung ating prosecutor ordered the police to release Julian from police custody kaya ni-release po natin si Julian."
Sinabi naman ng Department of Justice na mahalagang magsailalim muna ng preliminary investigation upang makakuha ng sapat na ebidensiya ang pulisya sa reklamong possession of illegal drugs kay Julian at kung may foul play sa pagkamatay ni Bree.
JULIAN APPEARS AT POLICE HQ IN LA UNION
Ikinuwento rin ni Peralta na "fully cooperative" si Julian nang imbitahan ito sa police provincial headquarters sa La Union noong Martes, September 21.
Lahad niya pa rin sa panayam ng ANC: "In-inspect namin ang katawan niya. May nakita kaming marking sa katawan niya.
"Chineck ng ating mga SOCO personel kung ang marking sa katawan niya ay coming from a struggle or what caused this marking.
"Ang nakita natin dun ay marking or wound caused by nails, mga pako.
"Tumutugma sa sinabi ni Julian na siya ay sumuot dun sa maliit na window dun sa may CR sa kagustuhan niyang mapasok yung CR dahil nandun si Breanna.
"So, nai-publish ng ating SOCO personnnel na yung sugat sa katawan niya ay not caused by a struggle coming from Breanna."
Ibinahagi pa ni Peralta ang obserbasyon niya kay Julian nang magtungo ito sa police headquarters ng La Union.
"Pumunta siya agad sa ating himpilan, of course, with his attorney, but fully cooperating siya.
"Walang nagko-coach sa kanya sa mga pagtatanong ng ating SOCO personnel, sa pag-i-inspect ng katawan niya.
"Kusa siyang naghuhubad ng damit niya, at pinakita niya lahat ng mga markings niya, at talagang na-inspect siya ng ating SOCO personnel."
Noong araw na iyon ay sa Baguio raw nakapirmi si Julian, at doon din umuwi.
Hindi masabi ni Peralta kung nanatili pa rin sa Baguio ang binata, pero tatawagan daw niya ito para sa iba pang karagdagang tanong ng pulisya.
PERALTA SAYS POLICE WANTS FAIR TRIAL FOR BREE AND JULIAN
Sa huli, idiniin ni Peralta na walang kinikilingan ang pulisya hinggil sa imbestigasyon ng pagpanaw ni Bree.
Hindi pa raw isinasara ng pulisya ang anggulo ng foul play o suicide dahil hindi pa tapos ang imbestigasyon.
Sabi ni Peralta, "Kahit na sabihin natin na bilyonaryo o maimpluwensiyang pamilya itong Ongpin, sinusunod lang po natin yung tamang pagpapatupad ng batas.
"Gusto nating mabigyan ng tunay na hustisya yung family ni Breanna kung totoong may foul play sa kanya.
"At kung wala namang foul play, gusto rin natin ng totoong hustisya o tamang laban, fair playing field, yung pamilya naman ni Julian.
"Yun po ang sinisiguro natin dito. Walang kinikilingan, walang cover-up, o walang di magandang gagawin sa kaso na ito."
Sa huling mga ulat ngayong Huwebes, September 23, nakasaad na tapos na ang second autopsy na isinagawa ng NBI sa labi ni Bree.
Hinihintay pa ang resulta nito.