Wala na raw isyu kay Kylie Padilla kung may ma-link nang ibang babae ngayon sa estranged husband niyang si Aljur Abrenica.
Napag-usapan na rin daw nila ang posibilidad na makipag-date sa iba at mutual daw nila itong napagdesisyunan.
Pero ang pakiusap ni Kylie, huwag na raw sanang mandamay pa ng ibang tao sa nangyari sa kanila.
Ito ang laman ng tweet ni Kylie kahapon, October 1.
Saad ni Kylie, “Guys there is no issue. We separated April pa and we have already mutually agreed to date other people. Please stop dragging other parties into this. I have no intention of disclosing anymore of what happened because I want to cherish the littlest ounce of privacy I have left.”
Gayunpaman, nagpapasalamat si Kylie sa ipinapakitang concern ng kanyang mga tagahanga.
Sa ngayon daw ay main priority nina Kylie at Aljur, bagama’t hiwalay na, ang kapakanan ng kanilang dalawang anak na sina Alas, 3, at Axl, 1.
Sabi ni Kylie, “Thank you for everyone’s concern. The boys are happy and stable. Which is our main priority. Love and light to everyone.”
Nag-tweet si Kylie sa gitna ng paglabas ng tsismis na nag-uugnay kay Aljur sa Viva artist na si AJ Raval.
Ito ay base sa diumano’y controversial issue na inilabas ng viral billboard suitor na si Xian Gaza.
Hindi ito diretsong itinanggi ni AJ, pero ni-repost at pinagtawanan lang niya ang lahat ng sinasabi ni Xian at nagbigay lang ito ng sarcastic na comments.
Kasama na rito ang paglilinaw ni Xian na hindi naman daw si AJ ang third party sa hiwalayan nina Aljur at Kylie.
Pabiro pang sagot ni AJ dito: “OMG AKO TALAGA YON!!! HAHAHAHA JOKE”
KYLIE-ALJUR BREAK-UP
Pumutok ang balitang hiwalay na sina Kylie at Aljur nang lumabas ang YouTube interview ni Ogie Diaz kay Robin noong July 7.
Kinumpirma ng dating action star na si Kylie ang nakipaghiwalay kay Aljur dahil sa third party umano.
Pebrero pa lamang ngayong taon ay may mga makahulugang post na si Kylie na pahiwatig na may pinagdadaanan ang relasyon nila ni Aljur.
Sina Kylie at Aljur ay ikinasal noong December 11, 2018.