Nagsumite na ng certificates of candidacy (COCs) ang running mates na sina Senator Panfilo “Ping” Lacson at Senate President Vicente “Tito” Sotto III ngayong Miyerkules ng umaga, October 6, 2021.
Si Lacson ay kakandidato para sa pagkapangulo, habang si Sotto ay tatakbo para sa pagka-bise presidente.
Dumating sina Lacson at Sotto sa Sofitel Harbor Garden Tent sa Pasay City bandang ika-11:00 ng umaga.
Bagamat running mates, magkaiba ang kinabibilangan nilang partido.
Si Lacson ang chair ng ng Partido Reporma. Nanumpa siya bilang chairman ng naturang Partido noong July 2021.
Si Sotto naman ay ang chair ng Nationalist People’s Coalition.
Sina Lacson at Sotto ang naunang nagpahayag ng kanilang tandem para sa presidential-vice-presidential bid noong nakaraang buwan.
PING LACSON
Taong 2004 ay tumakbo rin sa pagka-pangulo si Lacson, pero natalo siya kay dating Pangulong Gloria Macapagal Arroyo.
Kasalukuyan nasa ikatlong termino na siyang bilang senador. Naging senador siya mula 2001 hanggang 2013.
Nagsilbi rin siyang Philippine National Police chief sa termino ni dating Pangulong Joseph Ejercito Estrada.
Nanungkulan din siya bilang Presidential Assistant for Rehabilitation and Recovery sa pamununo ni dating Pangulong Benigno “Noynoy” Aquino III.
TITO SOTTO
Si Sotto ay four-term senator. Nagsilbi siyang senador mula 1992 hanggang 2004. Ikatlong termino niya ang 2010 hanggang 2016.
Naging vice mayor naman siya ng Quezon City mula 1988 hanggang 1992.
Sina Lacson at Sotto ang principal authors din ng kontrobersyal na Anti-Terrorism Act of 2020.
Use these foodpanda vouchers when you shop or order online. Marami pang ibang coupons dito.