Matagal-tagal na rin ang relasyon ni Lauren Young at ng kanyang boyfriend na si Toby Panlilio.
Gaya ba ng sister niyang si Megan Young ay naiisip na rin niyang mag-asawa?
“Napag-uusapan na rin naman namin ng boyfriend ko yun kasi, we’ve been together for four years na yata,” lahad niya.
Sabi pa ng 27-year-old actress, “Ayoko namang i-compare kay Megan kasi, siyempre, ang tagal-tagal na nila ni Mikael [Daez] and now that she’s married and she’s also older than me.
“Hindi porke’t yung sister ko, nagpakasal, gugustuhin ko na rin na agad-agad, susunod ako. I think, what my boyfriend and I decided, we will just really enjoy our time together.
“We’re young and we like going out on dates and [being] together and being in love. When the time comes for us to get married and settle down, we will do it.”
But there is no doubt tungkol sa kagustuhan niyang ang present boyfriend na ang makakatuluyan.
“Alam niya iyan, gusto ko siyang pakasalan,” saad niya.
“It’s not a secret, we talk about it, and that’s our plan talaga, but there’s a right time to do it.
"But now that we’re in a middle of the pandemic, parang it’s not really our priority to be married.”
At natawang sabi pa niya, “We act like a married couple, but hindi pa namin ginagawang official talaga.
“Kapag puwede nang mag-party, kapag puwede nang maraming tao. Yun kasi ang gusto naming wedding. So we’re willing to wait naman for that to happen.”
"WALANG OFFER"
Samantala, balik-showbiz si Lauren matapos ang two-year hiatus.
Matagal na hindi siya nakita sa telebisyon.
"Walang offer!" natatawang pag-amin ng Kapuso actress nang makausap siya ng PEP.ph (Philippine Entertainment Portal).
Mali pala ang "assumption" na tulad ng ibang artista, hindi tumanggap o gumawa si Lauren ng kahit anong teleserye dahil sa kagustuhang mag-ingat ngayong may COVID-19 pa.
Ayon kay Lauren, “Willing naman po ako. Ang nangyari lang talaga, when the pandemic hits, ang daming na-pause na serye. Ang daming hindi natuloy.
“And it’s very hard to create a show. Kaya feeling ko, natagalan din. Yun na lang din ang sinasabi ko sa sarili ko.”
Kasama si Lauren sa serye na Stories From the Heart: Never Say Goodbye, na nagsimula noong October 18, 2021, sa GMA Afternoon Prime.
Aminado ang aktres na nanibago siya nang makabalik na sa trabaho.
Pero gusto niyang patunayan na nandoon pa rin ang kanyang husay sa pag-arte, lalo na't kumpara sa mga ginampanan niyang kontrabida roles noon, ang karakter niya sa serye ay magpaparaya.
“When we were on set, I felt like I had a lot to prove. I felt like I have to step up my game and to show people na even if, I’m on break for two years, I still have it in me.
“I’m very competitive kasi, and, to be honest, I’m a show-off,” natawa niyang pag-amin.
Pero hindi naman daw siya yung tipo na kinukumpara ang sarili sa iba. Ang parating benchmark niya ay yung best performance niya.
“Medyo mayabang kasi ako, so gusto kong patunayan sa mga tao na magaling ako. That’s why when I’m on the set, I really take my work so seriously. Because ayoko na kapag pinanood ko ang sarili ko or pinanood ng tao, may masasabi sila because this is what I do and this is what I’ve been doing for years.
“And each show that I do, I made sure that I’m better than the last.”
At natatawang sabi pa niya, “Competitive yarn!”
LAUREN STAYS IN MANILA; subic will "always be home"
Nai-vlog ni Lauren sa kanyang sariling YouTube account na nagdesisyon siyang sa Subic na tumira.
Pero nasa Manila pa rin pala siya?
Paliwanag ng aktres, “Actually, during the show, lumipat talaga ako sa hometown ko which is Subic Bay, sa Olongapo. But lumipat ako do’n because I am supposed to have my mom renovate her house, our family house.
“Pero dahil pandemic, ang daming problema. Ang hirap magpa-construction. Hindi rin siya makakauwi. So as a family, we decided na i-pause muna and unahin muna ang mga importanteng bagay than magpagawa kami ng bahay in the middle of pandemic.
“For now, bumalik ako ng Manila at kung saan-saan ako napupunta this year. But Subic will always be my home talaga. Malapit lang naman siya and nandoon yung family ko.
“Back and forth lang ako, but, for now, I’m staying in Manila for the meantime.”
Use these GrabFood promo codes when you shop or order online. Marami pang ibang coupons dito.