Hindi sinayang ng Pinoy actor na si Christian Lagahit ang pagkakataong isiwalat ang diskriminasyong nararanasan ng mga Pinoy at iba pang lahi sa South Korea.
Si Christian ang nag-iisang Filipino cast member sa South Korean hit series na Squid Game. Ginampanan niya ang role ng Player No. 276.
Sa kabila nito, ibinunyag ni Christian ang matinding diskriminasyong naranasan niya, at ang maling trato sa overseas Filipino workers (OFW) na kumakayaod sa South Korea, sa one-on-one interview sa kanya ng Asian Boss YouTube channel noong October 24, 2021.
Bukod sa pagiging part-time actor, isa rin siyang marketing explorer, data analyst, at community leader sa South Korea.
Tantiya ni Christian, naging bahagi na siya ng 60 production shows o movies sa South Korea.
UNFORGETTABLE EXPERIENCE ON DISCRIMINATION
Sa isang punto ng interview, inusisa si Christian kung anong stereotyping ang naranasan niya sa South Korea.
“For me, it’s more of the discrimination,” sagot niya.
At saka niya ikinuwento ang pambabato sa kanya ng repolyo sa bus at wala umanong tumulong sa kanya.
“I was inside the village bus, it was the last trip, and I was sitting at the back...
“It can only accommodate a few people to sit. So, other people were already standing in the bus.”
Napansin daw ni Christian na may isang may-edad na babae ang nakatitig sa kanya, pero hindi niya ito binigyan ng pansin.
Inakala raw ni Christian na ang mga lalaking nasa harapan niya ang tinitingnan ng babae.
“A few minutes passed by, I was just surprised when something hit my face. She threw a cabbage on my face—a cabbage, the vegetable—straight to my face,” saad ni Christian.
Nahulog daw ang suot-suot niyang salamin at nang mahanap niya ito ay basag na ito.
“Then I asked, like, ‘I’m sorry, what’s happening here? Why did you throw this vegetable on me?’”
Pero ang pinakamasakit daw para kay Christian ay walang ibang pasahero ang umimik at nagtangkang tulungan siya.
“Everyone was there. There’s a lot of people inside the bus. It was filled, but no one was there to, at least, help me.”
Aniya, ang babaeng nagbato sa kanya ng repolyo ay nasa 50s na, at may sinasabi umano ito kay Christian sa wikang Koreano.
May isang babaeng nasa bus ang nag-translate kay Christian kung ano ang isinisigaw umano ng nambato sa kanya ng repolyo.
Paliwanag ng translator, nais ng matandang babae na bumaba ng bus si Christian, dahil para lamang daw sa mga Koreano ang bus.
“And I told her, ‘There’s no foreigner bus here in Korea. Why would I step out?”
Paliwanag pa raw ni Christian, hindi niya alam kung paano sumakay sa taxi at hindi sapat ang kanyang pera.
Pagpapatuloy ng aktor, “And then she said, ‘Oh, she said you just have to go out.’ And I was crying inside.”
Iginiit ni Christian na mas ikinasama ng loob niya na wala man lang nagtangkang ipagtanggol siya.
Pero malaki raw ang pasasalamat niya sa babaeng nagsilbing translator niya sa bus.
Nang bumaba na raw sa bus ang matandang babae, sinisigawan pa rin daw nito si Christian at sinasabihan na “all foreigners here in Korea are bad people.”
PLIGHT OF FILIPINO, FOREIGN SKILLED WORKERS
Inusisa si Christian kung karaniwan ba ang nararanasang diskriminasyon ng mga kagaya niya.
Sagot ng Pinoy actor, “I hear a lot of stories, but not to this extent, to the point that someone would throw something on your face.
“I heard from my friends and stories from my friends that they heard a lot of bad words from Koreans, or sometimes in buses.”
Ang isa pa raw hindi magandang karanasan ni Christian ay nangyari rin sa bus noong 2019.
May isang babaeng pasahero raw ang pinapausog ang isa pang babae at pinapatabi kay Christian.
Sumagot daw ang pinapausog na babae na ayaw niyang tumabi kay Christian dahil isa itong banyaga.
“So, what’s wrong if I’m a foreigner?” sagot naman ni Christian sa interview.
Sabi pa ni Christian, sa kanyang pagkakaalam, tinatayang 46,000 Filipinos ang naninirahan at nagtatrabaho ngayon sa South Korea.
Kabilang na rito ang I.T. workers at skilled workers, o yung mga nagtatrabaho sa factories.
Saad ni Christian, bilang community leader, marami siyang naririnig na kuwento ng diskriminasyon mula sa OFWs at maging sa ibang lahi.
Nais daw magsalita ni Christian “on behalf of the Filipinos that I’ve encountered that I have served in my community” pati na raw para sa mga manggagawang may ibang lahi.
“Every time I move from one place to another, I will hear stories about the treatment that they’re getting from their boss: the way their salaries are being cut without their knowledge.”
Hindi raw sinasabihan ang mga manggagawang ito kung bakit binabawasan ang kanilang sahod.
Noong nakaraang taon, inihayag ni Christian na nagbigay umano ng “subsidy” o tulong ang South Korean government sa mga tao, pero may OFWs na hindi nakatanggap ng tulong.
“Because according to them, their boss actually cut it or just didn’t help them.
“Their boss didn’t help them how to get those subsidy or support from the government.”
Ani Christian, kapag pinagsama-sama ang malilit na bagay na ito ay nagiging malaki, at hindi lang ito nangyayari sa OFWs.
Sabi ni Christian, “I hope this will be a wakeup call for the government to also check, especially those who are assigned to the welfare of foreign workers.”
Paalala ni Christian, malaki ang kontribusyon ng foreign skilled workers sa pag-asenso ng South Korea.
Use these Nike promo codes when you shop or order online. Marami pang ibang coupons dito.