Kinakiligan ng netizens ang cheesy post ng singer na si JK Labajo tungkol sa girlfriend niyang si Miss Universe Philippines 2021 first runner-up Maureen Wroblewitz.
Sa Instagram post ni JK noong October 31, makikitang nasa loob sila ng eroplano. Natutulog si Maureen sa kanyang balikat.
Sabi ng singer sa kanyang post, “May nakatabi ako kanina sa eroplano. Si miss nakatulog sa balikat ko kinilig naman ako kasi kamukha niya yung si Maureen Bolobiwizt.”
View this post on Instagram
Sa comments section, maraming netizens ang kinilig sa post ni JK kabilang na ang celebrities na sina Lea Salonga at Iza Calzado.
Isa namang netizen ang nagsabing masuwerte si Maureen dahil katabi niya ang isang miyembro ng samahan ng mga pogi.
Sabi ng netizen, “grabii, swerte ni miss, member ng SAMAHAN NG MGA POGI ang katabi nyaaa haha”
Pabiro naman siyang sinalungat ni JK. Siya raw kasi ang founder ng nasabing samahan.
Buong sagot niya, “excuse me po, founder po”
Sa kanyang Instagram naman noong November 1, nag-post si Maureen ng dalawang short videos nila ng nobyo.
Sa isang video, mini-makeup-an ng beauty queen ang boyfriend.
Sa isa pang video, umasta naman siyang stylist kay JK.
Sabi ni Maureen sa caption, “if you need a stylist, makeup artist and hair stylist, dm me jk it‘s just for jk”
View this post on Instagram
Mahigit isang taon na ang relasyon nina JK at Maureen mula nang sila ay umamin sa publiko.
Use these Nike promo codes when you shop or order online. Marami pang ibang coupons dito.