Habang nasa season break ang GMA-7 teleseryeng The World Between Us, ano ang naging realization ni Alden Richards tungkol sa karakter niya bilang si Louie at sa buong show mismo?
"I think I'm very thankful for this break. And I think it should be a practice din po as well dito sa atin kasi sa atin pag sinabing break, negative agad, 'Ah, hindi okay! Ah ganito, hindi nagre-rate, etc, etc...'
"I think that's not tha point of it. I think it gives the story more time to prepare for the second part, and kung mapapansin nila, if they watch foreign shows uso po ang season break sa ibang bansa.
"So hindi naman po kami ang unang nag-season break sa buong mundo," diin niya, sabay banggit ng sikat na sikat na crime/drama series sa Netflix na Money Heist.
"Nag-season break po yun!
"So it really gives the writers, the actors, the directors and everyone involved in that project time to prepare more for the comeback. And it thickens the plot of the story even further.
"So ang gandang opportunity po noon for us, to give us time to prepare, as opposed to yung old normal po na way natin of shooting a teleserye, paspasan at mabilisan po.
"Kaya parang medyo mahirap on our end, siyempre mahirap din po sa end ng management and ng production, kasi meron po kaming deadline since we shoot ng MWF [Monday-Wednesday-Friday] and we air five days a week.
"So ang laking bagay po talaga tapos na yung project bago pa lang siyang umere kasi para po sunud-sunod na yung buong storytelling niya."
Nakausap ng Philippine Entertainment Portal (PEP.ph) si Alden sa mediacon via Zoom nitong nakaraang Miyerkules, November 17, para sa pagbabalik sa ere ng The World Between Us.
ALDEN RICHARDS FLEXES NEW LOOK IN SEASON 2
Samantala, sa trailer ng The World Between Us ay pinag-usapan ang "Alden 2.0," o ang new look ni Alden Richards.
Dahil napaka-successful na ni Louie Asuncion, ang karakter ni Alden, mistulang isang high-class male model ang new look ng Kapuso actor.
Paano ba na-achieve ang naturang look ni Alden?
Paliwanag niya, "Actually, majority of the look po dito, akin po talaga yung mga gamit na ginamit, as much as possible. Ganun po ako ka-invested dito sa show na 'to, as in I really committed myself to it.
"Sabi ko, kahit anong puwede kong maitulong, I will do it.
"So na-commit ko po ang sarili ko to slimming down, to look the character, to give justice to the transitions, kasi three-year transition po siya e, isang 2011, 2017, to 2021.
"So talagang pinagtuunan ko po siya ng pansin. And siguro nakatulong din po yung lock-in tapings since nagkaroon po talaga ako ng oras to really focus on it.
"At hindi lang naman po ako, e. Lahat po kami dito nag-exert ng effort, kasi ang laking factor po sa show yung changing your look so everyone of us did our part in that aspect.
"And character-wise din, inangkop lang po namin yung characterization namin sa kung anuman po yung pinagdaanan ng characters namin during the airing and the comeback po namin.
"Mahirap po pero ang sarap po kasi niyang panoorin, nakaka-proud po na yung pinaghirapan mo ay may pinuntahan."
Nagkaroon ng "intermission" o break ang pag-ere ng The World Between Us noong August 27 at sa Lunes, November 22, ay mapapanood na muli ang top-rating serye sa GMA Telebabad block.
Bukod kay Alden, tampok din sa The World Between Us sina Jasmine Curtis-Smith bilang si Lia Libradilla at Tom Rodriguez bilang si Brian Libradilla, at sina Jaclyn Jose bilang si Yachie Delgado at si Ms. Dina Bonnevie bilang si Rachel Libradilla, sa direksyon ni Dominic Zapata.
May mahahalagang papel rin sa The World Between Us sina Sid Lucero bilang Eric Carlos, Kelley Day bilang Audrey Villacer, Yana Asistio bilang Jackie Carlos-Libradilla, Jericho Arceo bilang Edison Tomas, at Donn Boco bilang Pitoy Flores.