Sirang-sira ang mala-mansiyong bahay ng sexy star na si Sunshine Guimary sa Cebu dahil sa bagyong Odette.
Isa ang Cebu Province sa labis na naapektuhan ng malakas na bagyong Odette.
Unang nag-landfall ang bagyo sa Siargao kahapon, December 16.
Bandang gabi naman, nag-landfall ito sa Visayas Region kung saan sobrang lakas ng hangin at ulan ang dala nito.
Sa kanyang Instagram Stories ngayong Biyernes, December 17, ibinahagi ni Sunshine ang labis na panghihinayang sa naipundar niyang bahay sa lupang sinilangan.
Sa isang larawan, ipinakita niya ang mga basag na salamin na nagkalat sa may hagdanan ng bahay.
Sabi ni Sunshine sa caption: “Ubos na.”
Sa kaparehong larawan, nilagyan naman niya ito ng caption na, “Typhoon Odette.”
Ipinakita rin niya ang mga nilipad na bahagi ng bahay sa may front gate.
Sa pang larawan, kita ang nasirang bubong at ang isang puno na nabali sa labas ng bahay.
Sabi ni Sunshine: “I need to go back home immediately.”
Ibinahagi rin ni Sunshine sa kanyang Facebook ang mga nasabing larawan.
Nakilala si Sunshine dahil sa kanyang kaseksihan at mapangahas na roles sa mga pelikula.
Katunayan, sa kanyang unang pelikulang Kaka, bida kaagad ang sexy actress na natuklasan ng Viva dahil sa kanyang sexy photos sa Instagram.
Sa nasabing sexy-comedy movie, pinatunayan ni Sunshine na hindi lamang ito mandirigma sa kama — ang kanyang naging unang bansag — kundi tinawag na rin siyang bandida sa hubaran.
May breast at butt exposure si Sunshine sa Kaka.
Pero kahit baguhan at walang acting experience, ipinakita ng dalaga na hindi lamang sa paghuhubad ang kanyang talento dahil may lalim din ang pag-arte niya.
