Marami ang nagugulat sa tila malaking pagbabago ng imahe ng Kapuso actress na si Max Collins.
Ngayong ina na siya ng one-year-old son niyang si Sky Magno, mas sumeksi pa siya at mas hindi niya ito itinatago. Tila ngayon din siya mas nag-e-enjoy sa kanyang buhay.
Saad ni Max, “After becoming a mom, I feel like I’m more of a woman. I feel like I’ve matured so much.
"I never really did anything pa-sexy, I think going my path on the industry, it was always wholesome. I feel like it’s time that I try something new.
“That’s why I was trying to empower myself through sexy damit. Kasi ngayon lang talaga ako naging confident sa sarili ko, sa katawan.”
Sabi pa niya nang makausap ng PEP. ph (Philippine Entertainment Portal) sa online mediacon ng Wish Ko Lang! noong December 17, “As a mom, it just kinda inspire me to do more with my life, I guess.
“Ang dami ko nang gustong gawin compared to before I became a mom. Now, I want to explore different roles and challenge myself as well.”
Simula na ba ito na makikita siyang mas daring, bolder?
“I feel like, maybe, a sexier me,” sabi ng 29-year-old Kapuso actress.
“Kasi tumatanda na ako, and time goes by and I won’t be able to be sexy again.
“I’m really enjoying this time in my career. I really wanna do sexy roles pero kailangan maganda, malaman yung story.
“And I just feel like it’s time for me now to do more romantic roles. I think kaya ko na. I like challenges talaga.”
Parang ipinapakita rin ni Max na hindi porke’t nag-asawa at nagkaroon na ng anak ang isang babae, limitado na ang magagawa nito.
“Feeling ko, stereotyped yun, e,” sabi niya.
“Kasi sa totoo lang, di ba, abroad, hindi naman sila ganun? It’s not like kasi may anak ka na, may asawa ka na, you can’t be sexy anymore, you can’t do a lot of roles.
“I feel like, as an actor, we should be able to do different kind of things, all kind of roles.
"And that’s what I want to do, I don’t want to limit myself as an actor."
PLANS FOR THE HOLIDAY SEASON
Ilang araw na lang ay Pasko na at kasunod nito ang pagsalubong sa taong 2022.
Kinumusta namin kay Max kung ano ang mga plano niya ngayong Holiday Season at mga gusto niyang mangyari sa kanya, personal o professional man, simula sa 2022.
“I’ll be home for Christmas because this is the most time that I’ll get to spend with Sky.
“Kasi siyempre, after the holiday, baka may pumasok na work at kailangan kong mag-lock-in ulit.”
Patuloy niya, “Para sa 2022, ano yung mga goals ko, that would be gusto ko talagang gumawa ng films and do another teleserye.
“Basta maraming work kasi na-enjoy ko siya, e. I feel like I’m in a good place in my career now where I am given more opportunities, better opportunities.
“And I don’t know, maybe start a business.”
WISH KO LANG
Si Max ang isa sa mga Kapuso actress na bida sa month-long female empowerment special ng weekly derama anthology na Wish Ko Lang.
Pagbibidahan ni Max ang episode na “Gayuma” na mapapanood sa mismong araw ng Pasko, December 25.
Paglalarawan ni Max sa kanyang role, “Isa siyang simpleng babae at mai-in love sa kanya ang kanyang kababata, si Dave Borneo, at gagamit siya ng gayuma para mapunta sa kanya si Regina.
“And kailangan niyong abangan kung ano ang gagawin ni Regina to save herself and sa gayuma.
"Napakaganda ng episode na ‘to kasi para siyang indie film. Shinoot namin sa ilog, sa NAWASA, and it was very intense.
"Maraming intense scenes sa episode na ‘to, so excited na po ako na mapanood ninyo.”
Sa pagiging modernang babae ni Max, nagulat pa kami nang sabihin niyang naniniwala siya sa gayuma nang tanungin namin.
“Yes, naniniwala ako sa gayuma. It does exist,” sabi niya.
Sa tingin niya, nagayuma na siya sa tuny na buhay?
“Ay, hindi ko alam, e!” natawang sagot ni Max.
Dagdag pa niya, “Baka… baka nangyari na. Mga ilang beses na.
“Pero feeling ko, may hangganan naman talaga ang gayuma, di ba? Hindi naman siya nagtatagal. At siyempre, prayers, paniniwala sa Diyos.
“Yun talaga ang pangontra sa gayuma sa paningin ko.”
Kung may magiging takeaway ang manonood ng Wish Ko Lang! sa episode niya, ano ito?
Sagot ni Max, “Ang tunay na pag-ibig ay hindi pinipilit. We all know na kapag pinipilit mo ang isang bagay or feeling, hindi maganda ang kinakabasan.
“So yun, yun talaga ang lesson.”
Use these foodpanda vouchers when you shop or order online. Marami pang ibang coupons dito.