Engaged na ang dating Pinoy Big Brother Teen Class 2010 housemate na si Joe Vargas sa kanyang non-showbiz girlfriend na si Bianca Yanga.
Ngayong Sabado, January 8, 2022, nag-post si Joe sa kanyang Instagram ng larawang kuha nang mag-propose siya kung saan nakaluhod ito sa harap ni Bianca habang hawak ang engagement ring.
Ang kanyang caption: “The Love of My Life said “YEZZIR”. Sigurado ako maganda kalalabasan ng anak namin, YEZZIR ulit.
“Salamat sa lahat ng mga taong masaya para samin. Mahal namin kayo.
“PS. Napaka puti mo sa pic ng magka hug tayo @byanga love it.”
Nag-post din si Bianca sa IG ng kanyang engagement ring na may caption: “A perfect way to [ring emoji] in the New Year. I love you, my @meetjoeblack28.”
Naging bahagi si Joe Vargas ng Pinoy Big Brother: Teen Clash noong 2010.
Lumabas din siya sa ilang movies gaya ng Apple of My Eye noong 2019, She’s Dating the Gangster at The Legal Wife noong 2014, at sa teleseryeng Mutya noong 2011.
Kasama rin siya sa cast ng teleseryeng Di Na Muli na pinagbidahan ni Julia Barretto sa TV5.
Ang bagong engaged na couple ay kilala ring malapit na kaibigan ng magkasintahang Kathryn Bernardo at Daniel Padilla.
