"Live, laugh, love."
Ito ang caption ni Heart Evangelista sa collage ng mga masayang litrato nila ng mister na si Sorsogon Governor Francis "Chiz" Escudero. Kuha ang mga iyon sa Los Angeles, California.
Ibinahagi niya ito ngayong Huwebes, January 13, 2022.
Isang netizen ang nagkomento na tingin niya ay "scripted" ang tila candid moments ng mag-asawa.
"Kung may makita akong picture ni heart na hindi scripted, tatakbo ako ng hubad sa buong barangay," saad ng netizen.
Hindi nagdalawang-isip si Heart Evangelista na sagutin ang netizen.
Diretsahang sabi ni Kapuso actress (published as is], "run and never come back darling.
"Life is gooooood plus the coffee I'm a drinking is awesome [cartwheel emoji]
"sorry you can't accept that I have a happy life but then again not my problem [champagne, wine glass emojis]"
Nakabalik na sa Pilipinas si Heart matapos magbakasyon sa U.S. kasama ang mister at dalawang anak nitong sina Chesi at Quino.
