May namumuo bang tensiyon sa pagitan nina Andrea Brillantes at Francine Diaz?
Ito ang usap-usapan ng netizens matapos kumalat sa social media ang family picture ni Francine kunsaan namataang kasama niya si Seth Fedelin.
Sina Andrea, Francine, at Seth ay miyembro ng "Gold Squad" mula sa defunct Kapamilya series na Kadenang Ginto.
Kasali rin sa grupo si Kyle Echarri na katambal ni Francine, habang si Seth ay ka-love team ni Andrea sa top-rating afternoon show nila noong 2018.
Ongoing pa rin ang tambalan nina Seth at Andrea sa pinagbibidahan nilang digital series na Saying Goodbye.
Ngayong Huwebes, Enero 13, 2022, trending sa Twitter ang mga pangalang "Blythe, Francine, Chin, at FranSeth."
Blythe ang palayaw ni Andrea, Chin ang palayaw ni Francine, at tumutukoy naman ang FranSeth sa ugnayang Francine at Seth.
Marami ang nasorpresa kung bakit kasama si Seth sa salu-salo sa pamilya ni Francine.
Napatanong ang fans kung senyales ba itong may espesyal na ugnayan ang dalawa sa tunay na buhay.
Wala pang malinaw na kasagutan dito dahil tahimik lang sina Francine at Seth sa isyu.
ANDREA UNFOLLOWS THEN FOLLOWS BACK FRANCINE
Sa kabilang banda, hindi nakaligtas sa netizens na in-unfollow ni Andrea si Francine sa Instagram sa di malamang dahilan.
Patunay nito ay ang screenshots na makikitang hindi nga naka-follow si Andrea kay Francine, habang si Francine ay naka-follow pa rin kay Andrea.
Agaw-pansin din ang sinasabi ng netizens na cryptic posts ni Andrea na hinihinalang may kinalaman umano kina Francine at Seth.
Tila may hugot daw ang Instagram Story ni Andrea na nakikinig ng kantang "Paano" ni Zack Tabudlo.
Dagdag pa rito ang TikTok ni Andrea na bagong gising habang nagpatugtog ng "Lose You To Love Me" ni Selena Gomez.
Bahagi ng minouth ni Andrea na lyrics, "I gave my all and they all know it / You turned me down and now it's showing / In two months, you replaced us."
FANS DEFENDING FRANCINE
Hati ang reaksiyon ng fans nina Francine at Andrea sa isyu.
Sa kaso ng fans ni Francine, kinuwestiyon nila ang tingin nila'y "cryptic posts" ni Andrea ukol sa kumalat na picture nina Seth at Francine.
Sinasabing dahil sa cryptic posts ay nagkaroon ng debate sa pagitan ng fans ng dalawang batang aktres.
May isa pang netizen ang nagtanong kung bakit maaapektuhan si Andrea sa hinihinalang ugnayan nina Francine at Seth sa tunay na buhay kung "love team lang naman" daw sina Andrea at Seth.
FANS DEFENDING ANDREA
Sa kabilang banda, naghayag ang fans ni Andrea na sana ay respetuhin ang kanilang idolo sa kung anuman ang nararamdaman nito hinggil sa isyu.
Hindi raw dapat sisihin si Andrea kung nasasaktan man ito sa isyu.
"Please respect Blythe's feelings," sabi pa ng ibang fans ni Andrea.
Makalipas ang ilang oras ay napansin ng fans na nag-follow muli si Andrea kay Francine.
