Binalikan ni Miss Universe 2010 3rd runner-up Venus Raj ang isa sa mga “major major mistakes” na nagawa niya sa buhay niya.
Ito raw ay may kinalaman sa pakikipagrelasyon.
Sa panayam sa kanya ni Toni Gonzaga sa Toni Talks ngayong Linggo, January 23, naikuwento ni Venus ang mga bagay na kanyang na-experience sa pakikipagrelasyon.
Isa sa mga tanong ni Toni ay kung ano ang “major major mistake” na nagawa niya sa kanyang buhay.
Sagot ni Venus, “I think the thought that relationships would be the ultimate when it comes to having relationships with a man and compromising my purity because that’s something na parang hindi ko na mababalikan iyon, e.
“Yung mga moments na ganun na feeling mo that’s the best thing that you can give to someone you know that you are in a relationship with.”
Iyon daw ang natutunan ni Venus sa pagkakaroon ng relasyon.
Sabi niya kay Toni, “I think now, it would be honoring and respecting the person that I am in a relationship with.”
Pero sa ngayon daw, hindi niya pa magawa ito dahil pitong taon na raw siyang single.
PAST RELATIONSHIP WITH SOMEONE OLDER
Sa Toni Talks interview, napag-usapan din ang tungkol sa paghahanap ng father figure ni Venus.
Ito ay dahil hindi niya siya lumaki sa poder ng kanyang ama.
Dahil dito, nag-resort daw si Venus sa pagkakaroon ng boyfriend sa edad na 16. Usually rin daw, mas matanda ang nagiging karelasyon niya.
“The very first one, I was 16, the guy was like 28,” kuwento ni Venus.
Tinanong ni Toni kung kumusta ang naging dynamics nila bilang magkarelasyon.
Pagbabalik-tanaw ni Venus, “Wala pa akong kaalam-alam sa buhay noon, para akong sunod lang kung anong sabihin, masabi lang na you are in a relationship.
“I don’t know kung anong ibig sabihin ng toxic relationship. Hindi ko alam kung paano ba iyong dynamics dapat, no idea at all.
“I was introduced to things that I shouldn’t be introduced [to]. First sexual experience and I thought, siguro ganito talaga.
“Ito siguro yung love kasi usually, ganoon naman, e. Dapat binibigay mo iyong sarili mo nang buung-buo sa tao.
“It ended after two years or one year and a half kasi he got another lady pregnant.”
Ngayon daw, alam na ni Venus ang nangyayari at mas nakilala na niya ang kanyang sarili.
Sabi ni Venus, “At that time, hindi ko alam that there was a void.
“I know now, I can name that as a void when I was younger pero noong nandoon ako, hindi ko naman alam na it was called like a void, na may kulang.
“Parang pakiramdam ko lang, gusto kong may kasama sa buhay.”