Tila hindi nagustuhan ng GMA-7 actress na si Heart Evangelista ang post ng isang tabloid tungkol sa kanyang mga OOTD sa Paris, France.
Nitong nakaraang linggo, kaliwa't kanang fashion shows ang pinuntahan ni Heart kaugnay ng Paris Courture Spring/Summer 2022 fashion week.
Maiging tinutukan ng fans ang mga OOTD ni Heart.
Nitong Linggo, January 30, 2022, tinanong ng tabloid na Bulgar ang kanilang social media followers kung ano ng opinyon nila tungkol sa hindi umano pagsusuot ng Kapuso star ng bra sa ilang fashion events na in-attend-an nito sa Paris.
Sabi sa tweet: "Ano'ng sey n'yo, pagrampa ni Heart Evangelista nang walang bra sa Paris Fashion Week?"
Hindi nagustuhan ni Heart ang opinion-generating post ng Bulgar at ni-retweet nito ang nasabing post.
Sabi 36-year-old Kapuso star sa kanyang tweet, "You guys should change your vibe."
To the rescue rin ang fans ni Heart at ipinagtanggol ang aktres sa bashers nito.
Tweet ng isang netizen na may handle name na @GonzalesSueza, "You’re so beautiful po so don’t mind them [emoji]"
Sabi naman ng isa pang Twitter user na si @_clarisse96, "You do you ma. [emoji] Hope you enjoyed the pfw. Take care! [emoji]"
Sinuportahan din ni @MapleCassy si Heart at sinabing, "Karamihan sa Pinoy Malisyosa"
Binatikos naman ng Twitter user na may handle @beyondbox026 ang post ng nasabing tabloid. Sabi nito, "HELLO it's 2022 na... Ano na Bulgar? Level up nmn oh... character development din pag may time... JUSKO!!!"
