May pakiusap si Kris Aquino sa kanyang followers sa Instagram.
Sa post noong March 6, muling nagbahagi si Kris ng bagong update sa kanyang kalusugan.
Bahagi ng kanyang post (published as is): “You’ve all been part of my road to better health journey… ayokong may itago sa inyo…
"BECAUSE i’m very GRATEFUL for all your prayers… bago mag next dose ng Xolair about a week from now, (which i am reacting to in a good way) gagawin ko na yung tests requested by my hematologist, who was also our mom’s oncologist, Dr Francis.
"Although wala po akong cancer markers in my blood tests, meron syang mga gusto pang ma rule out before we leave in less than 2 weeks.
"Hindi po ako takot sa tests, i prefer to know para kung maaagapan or may treatments, procedures, or solutions—magawa na soonest na walang delay.
“So this Friday nag YES ako sa Pet Scan, Endoscopy, plus bone marrow biopsy (i was warned 5 days of discomfort after) BECAUSE i have full confidence in my team of doctors: my anesthesiologist, Dr. Jonnel (like before hindi po ako nagbibigay ng last names)… pain management, Dr. Henry (inalagaan na nya ‘ko when i had 3 impacted wisdom teeth surgically removed all in 1 go)… Dr. G, Dr Piano, Dr Katcee, Dr Nikki, Dr Cricket, Dr Hazel, Dr Nick, and sorry i just trusted Dr Francis with the endocrinologist he chose so i didn’t even ask for his name.
“Makulit ako, please also pray for my sisters who worry so much for the 'baby' of the family (bunso po kasi), my sons, my trusted friends & my TEAM na talagang walang iwanan.
“God bless you all. Thank you.”
View this post on Instagram
Sa comments section, isang fan group ni Kris ang nag-comment na patuloy nilang ipinagdadasal ang kanyang tuluyang paggaling.
Sabi ng netizen, “We continue to pray for your healing and recovery the soonest! Thank you for keeping us updated on your health! [red heart emojis]."
Karaniwang ginagamit ang heart emojis upang magpaabot ng pagmamahal o suporta.
Sumagot si Kris sa komento ng kanyang fan group.
Nakiusap siya na kung magkokomento raw sa kanyang post ay gumamit na lamang ng yellow heart o kaya ay pink heart with yellow ribbon emojis.
Saad ni Kris Aquino, “@krisaquinoworld request can you use yellow hearts [yellow heart emoji] Or [pink heart with yellow ribbon emoji]”
Dagdag pa niya, alam daw kasi ng mga tao kung kanino identified ang red color sa ngayon.
Aniya pa, “@krisaquinoworld i’m sure gets nyo na why wag muna red.”
Ang kulay pula ay identified kay presidential aspirant Ferdinand “Bongbong” Marcos, Jr. at ang kulay green naman ay kay vice presidential at Davao City Mayor Sara Duterte.
Iniendorso naman ni Kris si Vice President at presidential aspirant Leni Robredo na ang campaign color naman ay pink.
Samantala, ang kulay dilaw or yellow ay kulay na nauugnay sa namayapang ina ni Kris na si former President Cory Aquino. Yellow rin ang kulay na nauugnay sa yumao niyang kapatid at former President Benigno Aquino III.