Ang pagbabalikan nila ng kanyang non-showbiz girlfriend ang isa sa blessing na natamo ni Bida Man 2019 finalist Miko Gallardo nitong panahon ng pandemya.
Si Miko ay napanood sa mga BL mini-series na My Day (2020) at Ben X Jim (2021), at sa pelikulang Momshies Ang Soul Mo'y Akin (2021).
Kuwento ni Miko sa PEP.ph (Philippine Entertainment Portal) sa ilang buwang pag-lie-low niya sa showbiz: "It was amazing. I stayed here because it's pandemic.
"It was a break to find myself, to explore... And I ended up having a relationship.
"I am with my ex. She and I broke up, and [then] nagkabalikan.
"She's half-American, half-Filipina."
Pag-amin pa niya, "I found myself and [I found] someone I wanna settle down with. I'm considering marriage."
Nakapanayam ng PEP.ph si Miko nang ilunsad siyang endorser ng Queen Eva's Salon at Luminiscence Aesthetic. Ginanap ang mediacon sa Lesiel's Restaurant and Events Place sa Tagaytay noong March 17, 2022.
Desidido si Miko na lumagay na sa tahimik kahit pareho sila ng nobya na magtu-twenty-four years old pa lang.
Lahad niya: "Hopefully, if she accepts me, I'd love to settle down and find meaning in my life and in my relationship right now.
"This journey really made me realize I wanna be serious with someone and I want a future with someone by my side.
"Nasa tamang edad na rin naman ako. She's not an artist. She studies and works."
Ipinagpapasalamat din ni Miko na maayos ang breakup nila ng nobya noon kaya nagkaroon ng tsansang madugtungan ang nakaraan nila.
"We broke up during Bida Man time. It wasn't a bad breakup, we were just finding ourselves.
"I was eighteen, nineteen [when we first became a couple]. Ngayon, after a few years, we started seeing each other na ulit.
"Napag-usapan na, 'Kung tayo, tayo.' Masaya naman ako na nung nag-break ako, nahanap ko siya uli."
OVERCOMING TOUGH TIMES
Hindi na idinetalye ni Miko ang pinagdaanan niyang personal na isyu, pero ang mahalaga ay mas tumibay raw ang kanyang loob.
"Sobrang daming lessons, acceptance, not caring sa mga sinasabi ng tao," saad ni Miko.
"Only care [about] dun sa mga nasa paligid mo, yung totoong pamilya mo, mga totoong kaibigan. Na-realize ko di lahat kaibigan mo.
"Alam mo yung kasabihang, 'Bad times create strong people.' Yun ang kasabihan na talagang paninindigan mo na di lahat perfect, di lahat nasa plano. You have to fall to rise up again.
"Sometimes, kailangan mo talagang ma-learn ang mga lessons na ito para ma-humble ka, matuto ka, at mag-grow ka talaga as a person."
Ayon pa kay Miko, nais niyang pagsabayin ang showbiz at ibang puwedeng pagkakitaan.
"Dati kasi, nung bata-bata ako, parang gusto ko, mag-aartista, model-model.
"Ngayon kasi, nung nagkapandemya, parang namulat ang mata ko na ang daming puwedeng mangyari.
"So, nag-virtual assistant ako. I started to work on my own business, kaya parang na-realize ko yung pag-arte, yung pagiging ganito, for fun na lang.
"Nandun pa rin naman yung passion pero hindi na siya yung priority ko."
ON FORMER BL TEAMUP WITH IÑAKI TORRES
Nakilala ang tambalan ni Miko at Iñaki Torres sa BL mini-series na My Day.
Pero hindi nasundan ang kanilang proyekto nang magkaroon ng di pagkakaunawaan sa pagitan ni Iñaki at ng direktor ng Oxin Film at ng mga tao rito.
"May kaunting regrets for the fans na talagang nagustuhan yung story," saad ni Miko nang hingan ng komento sa isyu.
"Pero on my part, it's not my decision to decide sa mangyayari. Siyempre nandun yung director, yung production... Now they won't follow the story.
"Pero I feel bad sa mga talagang invested na sa story. But what can I do, I'm just an artista?"
Ayon pa sa BL actor, wala na silang komunikasyon ni Iñaki sa ngayon. Pero klinaro niyang wala silang naging problema ng dating kapareha.
"It wasn't between us. It was between the director and Inñaki. Wala na naman ako sa usapan dun. It was two years ago, so what can I do?
"Anyone naman will be sad sa outcome. Sana it was closed na lang na okay kami, both parties. But what can I do but accept."
Bukas pa rin si Miko na makatrabaho muli si Iñaki kung mabibigyan sila ng oportunidad.
Aniya, "Only time can tell. God can only answer that. If we will work together, then we will work. I'm not keeping my doors closed naman."