Tinulungan ng mga miyembro ng 802nd Infantry (Peerless) Brigade ng Philippine Army ang isang sumukong rebeldeng buntis na manganak sa St. Mary Birthing Center sa Albuera, Leyte noong April 3, 2022.
Babae ang naging anak ng ginang, at ito ang kanilang panganay ng kanyang mister na isa ring rebelde.
Ang ginang at ang kanyang mister ay kusang loob na sumuko sa 93rd Infantry (Bantay Kapayapaan) Battalion, 8th Infantry (Stormtroopers) Division, noong January 13.
Ayon kay Colonel Noel A. Vestuir, Commander ng 802nd IB, anim na buwang buntis ang ginang nang sumuko ang mag-asawang rebelde.
Binigyan ang mga ito ng Army ng pagkakataong mamuhay nang payapa at makapagsimula ng kanilang pamilya.
Dagdag pa ng opisyal, “The Philippine Army will always treat the former rebels humanely and in accordance with the International Humanitarian Law.
“We will make them realize that this government is concerned with people like them.”
Ikinatuwa naman ng netizens ang pagtulong na ginawa ng 802nd IB sa mag-asawa.
Positibo rin ang naging pananaw ng netizens sa ginawang pagsuko ng mag-asawa para makapamuhay nang normal ang kanilang anak.