Nalagasan daw ng Facebook followers ang singer na si Katrina Velarde matapos niyang ibinahagi ang poster ng kanyang nakatakdang pag-perform sa UniTeam Festival Rally sa Cebu bukas, April 18, 2022.
Ang tanging caption niya sa post: "See you Cebu!"
Ang UniTeam ay pinangungunahan ni presidential aspirant at former Senator Ferdinand “Bongbong” Marcos Jr. at vice presidential aspirant at Davao City Mayor Sara Duterte.
Sabi ni Kat matapos mabawasan ng followers, “I appreciate you mga mi. Thank you [heart emoji”
Sa comments section, sinabi ng singer na lagpas isang libong followers ang nag-unfollow sa kanya matapos niyang i-promote ang UniTeam festival rally.
Saad ni Kat, “I already lost 1000 followers. But i am not taking it personally. Still, i respect you. And i appreciate those who respect me too [heart emoji] Thank you. Spread love...”
Bukas ay magdaraos ng Sinulog-inspired grand rally sa Queen City of the South ang UniTeam.
Gaganapin ito sa Citi De Mare, Filinvest Ground, SRP Coastal Road.
Bukod kay Kat, kasama ding magpe-perform sina Toni Gonzaga, Andrew E, DJ Loonyo, BuDaKhel (Bugoy Drilon, Daryl Ong, at Michael Pangilinan), Dea Formilleza, J Roa, Mark Herras, Bayani Agbayani, Rodjun Cruz, Aegis, Shamrock, Plethora, Magnus Haven, Hale, ILT Band, Dukes Band, Sexbomb Newgen Girls, at Silent Sanctuary.