Natanggap na ni Herlene Budol ang ipinangakong kita ni Karen Davila mula sa kanilang ginawang YouTube vlog.
Inilabas ni Karen ang vlog interview niya kay Herlene noong April 2, 2022.
Read: Karen Davila to donate YouTube earnings to Herlene Budol
Ipinangako ng TV Patrol anchor na ibibigay niya ang kita ng kanyang vlog kay Herlene, na sinabing may plano itong humanap at magpagawa ng bahay.
Inanunsiyo ni Herlene na PHP100,000 ang iniabot sa kanya ni Karen.
Inamin ni Herlene na malaking tulong ito sa kanyang pamilya lalo’t limitado ang kanyang trabaho ngayon kasunod ng pagpasok niya sa isang national pageant.
Sabi ni Herlene (published as is), “Ibinigay po nya sa akin yung earnings sa youtube nya nung ininterview nya sa akin nakaraan April 2 sa halagang 100,000 pesos po bago ako nag register ng Binibining Pilipinas na umabot ng 2.2M views.”
Ngayong buwan nag-file at nakapasok si Herlene bilang official candidate ng Binibining Pilipinas 2022 pageant.
Read: Herlene Budol makes it to Top 40 of Binibining Pilipinas 2022
Limitado ang pagtanggap ng trabaho ngayon ni Herlene para matutukan ang kanyang venture sa pageant.
Mensahe niya kay Karen (published as si): “Salamat ng Marami dahil 3 mons ako bawal mag tanggap ng trabaho at endorsement sa policy ng Binibining Pilipinas.
“Kaya umaasa nalang din ako ng income sa youtube Channel ko sa pag pa vlog!”
“Malaking tulong po eto para sa aking pamilya at ibibigay ko po eto kay Nanay Bireng at Tatay Oreng ko,” ani Herlene, patukoy sa kanyang lolo at lola.
Panghuling mensahe ni ni Herlene: “Ako nga pala si Binibining number 8 Nicole Budol a.k.a. Herlene Hipon at mag iiwan ng kasabihan ‘Magsipag at wag umasa sa iba. indi araw araw ay bday natin.’”