Isang appreciation post ang ginawa ni Miles Ocampo para sa kanyang recent birthday ngayong Mayo.
Nagdiwang si Miles ng kanyang ika-25 kaarawan noong May 1, 2022.
Binigyan si Miles ng iba't ibang selebrasyon ng kanyang mga katrabaho, kaibigan, at kapamilya.
Ipinost niya ang compilation ng mga kuhang larawan mula sa mga selebrasyong ito sa pamamagitan ng Instagram nitong Miyerkules, May 18.
Agaw-pansin ang huling photo sa IG post ni Miles.
Silhouette ito ng isang lalake at babaeng sweet na sweet na magkayakap.
Mahihinuhang si Miles ang babae, pero hindi kita ang mukha ng lalake dahil madilim.
Matutukoy na nakaputi ang dalawa at may Chinese bamboo sa kanilang likuran.
Simpleng caption ni Miles: “Birthday 2022. My heart is full. Thank you, thank you, thank you.”
Hiindi naman nakaligtas sa netizens ang hugging photo ni Miles at ng mystery guy.
“Last photo,” komento ng netizens.
IS ELIJAH THE MYSTERY GUY?
Pero naging mabilis ang mapagmatyag na netizens.
Iisa ang hula nila: si Elijah Canlas, 21, ang lalaking kayakap ni Miles.
Nagkomento rin si Elijah sa comments section.
“About to be the best year yet,” positibong komento ng award-winning young actor.
“Ito siya eh @elijahcanlas,” komento ng isang netizen, bilang pagtukoy sa mystery guy na kayakap ni Miles.
“Sino po boyfriend niya?” usisa ng isa.
“@elijahcanlas,” sagot naman ng isa pa.
ELIJAH’S POST ABOUT MILES
Ang hugging photo na ipinost ni Miles ay tugma sa ilang ipinost na larawan ni Elijah sa Instagram noong May 1, mismong kaarawan ni Miles.
Nag-post ng birthday greeting si Elijah para sa aktres. Kalakip nito ang larawan ni Miles na nakaputi at may Chinese bamboo sa background.
Sa caption, nagpahayag si Elijah na gusto pa niyang magkaroon ng maraming oras kasama si Miles.
Sabi ni Elijah: “Happy birthday to my favorite person in the world! here’s to more adventures and memories.”
Pasasalamat ni Miles, “Thank you for giving me the best birthday salubong, butbut. achikabuchibichakababachu!”
Makahulugan naman ang panunukso ng ilang kaibigang artista ng dalawa, kagaya nila MJ Lastimosa at Agot Isidro, na may kasamang red heart emojis ang comments.
Nagkatrabaho sina Miles at Elijah sa TV5 series na Paano Ang Pangako noong 2021.
Mukhang nauwi sa totohanan ang panunukso noon sa dalawa na bagay sila.