Ramdam pa rin ang kalungkutan sa mga post ng aktres na si Carmina Villarroel dahil sa pagpanaw ng kanyang amang si Reggie Villarroel kahapon, June 7, 2022.
Hindi malinaw kung ano ang ikinamatay ni Daddy Reggie pero sumailalim ito sa hip replacement noon.
Read: Carmina Villarroel mourns passing of father Reggie Villarroel
Sa kanyang Instagram post kinagabihan, ipinakita ni Carmina ang malaking portrait ng ama na kanyang yakap-yakap.
Nami-miss na raw niya ngayon pa lang ang kapapanaw lamang na ama.
Mensahe ng Kapuso actress-host: “Will forever be your baby girl. I love you daddy regy. [blue heart emoji] I miss you already. [sad face emoji]”
View this post on Instagram
Patuloy pa ring bumubuhos sa comments section ang pakikidalamhati mula sa celebrities at personalities na kilala ni Carmina:
Ngayong araw, June 8, muling nag-post si Carmina ng update ukol sa pagpanaw ng ama.
Makikita rito ang urn na pinaglagyan ng abo ng mga labi nito.
Sa caption, inalala ni Carmina na noong araw, may ginupit na larawan ng isang bracelet ang ama mula sa isang pahayagan at ibinigay sa kanya.
Sabi raw ng kanyang mga kapatid, maaaring ito ang gustong regalo ng kanilang ama sa Pasko.
Alam daw ni Carmina kahit wala na ang kanyang daddy sa mundo ay gagabayan pa rin siya nito.
Suot din niya sa larawan ang bracelet at relong iniregalo niya sa ama noong nabubuhay pa ito.
Buong mensahe ni Carmina, “When Daddy Regy saw the Philippe Charriol bracelet (the one I’m wearing) in the newspaper, he cut out the picture of it and gave it to me and my siblings and said that was what he wanted for Christmas.
"Daddy Regy, even if you’re not here with us physically, you will always be here watching over me (also gave this watch to dad).”
View this post on Instagram
May post din ang anak ni Carmina na si Cassy Legaspi tungkol sa kanyang lolo.
Maiksing caption nito sa mga larawan ng kanilang “Daddy Groovy”: “The strongest man I know. I love you forever Daddy Groovy.
“fresh air Daddy Regy [heart emoji]”
View this post on Instagram
Wala pang anunsiyo kung kailan ililibing si Reggie Villarroel.