Tinuldukan na ng magkasintahang sina Kathryn Bernardo at Daniel Padilla ang bulung-bulungang hiwalay na umano sila.
Sa Instagram ngayong araw, June 10, 2022, isang post ni Kathryn ang ikinatuwa ng KathNiel fans.
Larawan nila ito ng nobyo na si Daniel na kuha sa katatapos lang nilang bakasyon sa Thailand.
Makahulugang caption ng Kathryn: “Kapayapaan [leaf fluttering in the wind, musical notes emoji]”
View this post on Instagram
Nagkomento naman dito si Daniel na tila mensahe sa mga nang-iintiga sa kanila.
Ayon sa Kapamilya actor: “Kapayapaan at Katahimikan.”
Nag-ugat ang alingasngas na naghiwalay na ang dalawa dahil sa isang blind item sa isang gossip blogsite.
Tumutugma kasi ang karamihan sa clues, lalo na ang initials nina Kathryn at Daniel, sa nasabing blind item.
Nitong nakaraang June 6, pinabulaanan ng ABS-CBN News reporter na si MJ Felipe ang balita.
May nakausap daw siyang dalawang reliable sources mula sa kampo nina Kathryn at Daniel.
Wala raw katotohanan ang nasabing blind item.
Saad niya sa kanyang tweet, “Spoke to two very reliable sources close to Kathryn & Daniel.
“Netizens have been mentioning the couple after a blind item, coincidentally with their initials, came out that a certain loveteam have decided to call it quits. Both sources vehemently denied the rumors.”
Kakatapos lamang magdiwang nina Kathryn at Daniel ng kanilang 10th anniversary bilang magkasintahan.
Lumipad pa ang dalawa sa Chiang Mai, Thailand, upang doon mag-celebrate.
READ: Kathryn Bernardo on 10th anniversary with boyfriend Daniel Padilla: “True love exists.”