Tinanong namin si Samantha Lopez kung para sa kanya ay nakatulong ba ang katatapos lamang na national elections noong May 9 para mas lalong tutukan ng publiko ang panonood sa kanilang GMA series na First Lady?
“Yes and no,” ang umpisang sagot sa amin ni Samantha. “I’ll start with no. No because First Yaya, nakatatak na, e!
“So may eleksyon o wala, susubaybayan nila [ang First Lady] because First Yaya was… e nung kailan nga lang may letter of commendation yung boss namin mismo, si FLG, number one of year 2021 yung year na yun, number one show all over.”
Mayo ngayong taong ito ay nagbigay ng isang “rare commendation memo” si GMA Network, Inc. Chairman and CEO Atty. Felipe L. Gozon (FLG) sa cast at sa buong production team ng First Yaya na show (noong 2021) na sinundan ng kuwento ng seryeng First Lady na kasalukuyang umeere ngayon.
Nakasaad sa naturang commendation ang mga sumusunod:
"It is my great pleasure to commend the program heads, cast, creative, technical, and production teams of First Yaya for the show's successful run on primetime television and for having ranked #1 in the Top Programs of 2021 report in both Urban Philippines and Total Philippines.
"The GMA Management recognizes your hard work and dedication, overcoming challenges and difficulties during this time of the pandemic, to ensure the production of First Yaya was consistently world-class and something that we could all be proud of.
"On behalf of GMA Network, Inc., please accept my heartfelt congratulations to all of you for a job well-done. Your passion for excellence truly reflects our commitment to provide only the best entertainment programs for our audience worldwide and across media platforms.
"Mabuhay kayo, mga Kapuso!”
“So iyon pa lang, may eleksyon o wala,” pagpapautloy pa ni Samantha.
“And then yes, nakatulong because ang lahat ng tao nakatutok, e.
“This has been the most controversial, most tight and delicate election sa Philippines. I saw and heard that, kasi matagal akong nawala e, tatlong eleksyon ang hindi ko naabutan, pero iyon ang sabi.”
Maraming taong nanirahan sa U.S. si Samantha bago nagdesisyong balikan ang kanyang showbiz career sa Pilipinas.
“So ang mga tao nakatutok dahil ibang era, e. Whereas before ang millennials wala namang... di ba, wala naman silang masyadong pakialam?”
Malaki rin daw ang nagawa ng iba-ibang social media platforms kaya naging maingay at kontrobersyal ang nagdaang eleksyon.
“Iyon pa, because of the social media. So yes and no.”
Personal na nakausap ng PEP.ph (Philippine Entertainment Portal) si Samantha, kasama ang First Lady co-star at kaibigang si Shyr Valdez over lunch noong Lunes, May 30 sa Zensho Japanese Restaurant sa Tomas Morato sa Quezon City.
Gumaganap si Samantha sa First Lady bilang dating first lady na si Ambrocia Bolivar, isa sa mga kontrabida ni First Lady Melody Reyes-Acosta na ginagampanan ni Sanya Lopez.
Si Sanya ang lead star ng show kapareha si Gabby Concepcion bilang Presidente ng Pilipinas na si Glenn Acosta.
SAMANTHA AND AMBROCIA
Gaano kalapit ang pagkatao ni Samantha sa karakter ni Ambrocia?
“Wala,” at tumawa si Samantha. Salbahe nga kasi si Ambrosia at si Samantha naman ay hindi.
“Pero, well, sige sa fashion sense niya. At saka sa hairstyle, yes. Pero the way she treats people, yung character niya, yung pagiging sulsulera niya, yung pagiging sunud-sunuran niya na walang sariling pag-iisip, sunud-sunuran lang dun kay Senator Trididad..?
“Kasi malaki ang naitulong sa akin nung seventeen years ko sa New York, naging asawa ko ang isang Warren Edwards, e.”
Nagkaasawa ng isang Amerikano si Samantha habang nsa New York, at kahit hiwalay na sila ngayon, nanatili silang magkaibigan.
“Marami akong natutunan sa kanya, life experiences, wisdom, confidence, self-esteem.
“Ang pagtrabaho ko, bilang nag-start ako bilang hostess, taga-upo ng guest, tagakuha ng reservation, bartender, coat-checker, manager/waitress... lahat yun, lahat ng front sa restaurant, hospitality, lahat yun napagdaanan ko. So I know how to treat people.
“Hindi ko naman sinasabing wala akong puso sa nakakababa sa akin noon, pero iba, e. Pag nakakasama mo sa trabaho ang mga busboys, mga nagko-coat check, pati drivers, iba ang trato ko ngayon.
“Pag nasa restaurant ako, iba ang trato ko ngayon sa mga nagsisilbi sa akin. Ultimong nagpa-park sa akin, mga security guards, you know yung mga nagtatrabaho sa road, yung mga construction workers mas yung puso ko sa kanila.
“For me they’re the real heroes. Si Ambrosia Bolivar hindi ganyan.”
Kung meron man kahit isang ugali na pareho sina Samantha at Ambrosia, iyon ay ang pagiging loyal.
Loyal si Ambrosia kay Senator Allegra Trinidad na ginagampanan ng aktres na si Isabel Rivas.
“Actually, oo. In a way, tama, tama.”
Gaano ka-loyal si Samantha sa tunay na buhay?
“I am loyal. I dunno kung paano mo ika-categorize yun, kung anong level yun, but I am loyal.”