Muling naglabas ng pahayag ang Lorma Colleges nitong June 28, 2022 kaugnay ng isyung hindi nito pinayagang makaakyat sa stage si John Marcelino Rosaldo.
Graduating nursing student si John, na isa sana sa mga tatanggap ng diploma sa ginanap na commencement ceremonies noong June 23.
Ang pahayag ay mula sa college president ng Lorma na si Carol Lynn R. Macagba.
Naka-post ito sa official Facebook page ng kolehiyo, at naka-address sa mga Lormanians at sa Lorma family sa buong mundo.
Sa FB post ay humingi ng paumanhin si Macagba sa mga naapektuhan ng reaksyon ng publiko dahil nahusgahan agad aniya ang kolehiyo.
“By this time, you may have heard about the circulating news regarding Lorma Colleges spread over social media and other outlets.
“We have been widely pre-judged by the public without their knowing the facts surrounding this story, and for this, I am truly sorry for all who are being affected and distressed by the public reactions.”
Sinikap na rin umano ng pamunuan ng Lorma na makipag-usap sa pamilya ni John pagkatapos ng graduation ceremony para alamin ang buong pangyayari.
“There was no response to initial attempts so I personally sent an email on June 24 to say sorry for how his family, especially his mother, must have felt as portrayed in the video post.
“I requested for us to meet over the weekend, but the family has declined as of yesterday, June 26.”
Ayon pa kay Macagba, sinimulan na rin niyang repasuhin ang mga naganap at nagtanung-tanong sa ibang estudyanteng present sa graduation ceremony.
“As we normally do, we investigate all aspects directly and completely to help us understand as much as possible before we make any conclusions so that we may address concerns responsibly.
“We have made factual discoveries that help understand the situation but the social media is not the proper forum for this as we are always respectful of all the parties involved.”
Matibay rin ani Macagba ang paniniwala ng kolehiyo sa kahalagahan ng graduation sa isang pamilya at sa estudyanteng magtatapos.
Hindi umano nila hinangad na manghiya ng kahit sino sa mga estudyante.
Ipagpapatuloy rin nila ang pagrepaso sa kanilang mga processes and policies kaugnay ng graduation ceremonies para maiwasan ang mga ganitong insidente sa susunod na taon.
Nagpasalamat din si Macagba sa lahat ng departamento ng kolehiyo na nagtulung-tulong para maidaos ang kauna-unahan nilang face-to-face ceremonies, “a meaningful one for our students.”
Muli naman niyang binanggit ang pakikisimpatiya sa pamilya ni John.
“To the student involved and his family, I wish to express again that we sincerely sympathize with their family’s feelings.
“I also want to reassure them and everyone that there was no intention nor were there any actions made to cause public humiliation, embarrassment, unnecessary discomfort, stress or anxiety, to anyone.”
Sinabi pa ni Macagba na sa loob ng 52 taon ng paglilingkod sa communities ng Lorma Colleges ay laging kaagapay ang “integrity, professionalism, fairness, care, and sincerity of heart.”
Mababasa ang kabuuan ng pahayag ng Lorma Colleges dito: link