Ikinalungkot ng mga tagahanga ng The Juans ang official announcement ng sikat na Filipino pop-rock band tungkol sa pamamaalam sa grupo ng drummer na si Joshua Coronel.
Tiniyak ng The Juans at ng namamahala sa kanila, ang Viva Artists Agency, na maayos at walang isyu ang pag-alis ni Joshua.
“The Juans and Viva is confirming the departure of Joshua Coronel due to personal reasons and matters.
“Rest assured that it is an amicable separation and that the rest of The Juans members wish nothing but the best for Joshua.
“We also want to express our heartfelt appreciation to all the Juanitas for your support to the group,” opisyal na pahayag ng The Juans.
Suportado ng The Juans ang desisyon ni Joshua at ito ang mensahe na ipinadala nila sa Philippine Entertainment Portal (PEP.ph).
“He’s focusing on family and new opportunities. We are all in support Joshua’s new season since we all know that family life is a brand new chapter and could entail major life changing decisions along the way.”
May ipapalit ba sila kay Joshua?
"The Juans will be a 4-piece band and will be welcoming sessionistas on certain occasions depending on the event,” sagot ng spokesperson ng The Juans.
Magkakaroon ng malaking pagtitipon sa July 1 sa SkyDome ng SM North Edsa ang The Juans at ang kanilang mga tagahanga.
Isang "big announcement" ang gagawin ng The Juans at ito umano ang dapat abangan ng kanilang mga supporter.
Para sa mga hindi makakapunta sa SkyDome, live na mapapanood sa social media pages ng The Juans ang announcement na tiniyak nila na hindi paasa sa mga tumatangkilik sa kanila.