Jek dela Cerna on transwomen joining Miss Universe

Para sa Queen of Hey Pretty grand winner na si Jek Dela Cerna, may karapatan ang trans women na sumali sa mga international beauty pageant tulad ng Miss Universe.

"Why not? Since pageants promote diversity and inclusivity of all women that includes us trans women, then I don't see any reason for us not to be accepted in their pageants.

"It's a huge step for the equality that we've all been longing for," saad ni Jek na nagtapos ng kursong Business Administration sa Mapua University.

Gumawa ng kasayasayan noong 2018 nang payagan ng Miss Universe Organization sa kauna-unahang pagkakataon na sumali sa pageant si Miss Spain Angela Ponce, isang trans woman.

READ: Miss Universe accepts trans woman Angela Ponce of Spain as official candidate

Hindi man pinalad makakuha ng puwesto si Miss Spain, sang-ayon si Jek na malaking tagumpay na ang mapasama ang isang trans woman sa entablado ng Miss Universe.

Pero sa kabila nito, aminado si Jek na hanggang ngayon ay may diskriminasyon pa ring nararanasan ang katulad niyang nasa LGBTQIA+ (lesbian, gay, bisexual, transgender, questioning, intersex, at asexual) community.

Aniya, "Sadly the rainbow community here in our country is tolerated but not yet fully accepted.

"So I think if people will be continued to be educated, then there is a chance that we will be fully accepted."

Nakapanayam si PEP.ph (Philippine Entertainment Portal) si Jek pagkatapos ng Queen of Hey Pretty 2022 pageant night noong June 25, 2022, sa Matrix Creation Events Place sa Quezon City.

Ang Queen of Hey Pretty ay isang pageant eksklusibo para sa sa LGBTQIA+ community, at inorganisa ito ng isang beauty brand.

First runner-up Dimple Tan, Marianne Crisologo, Queen of Miss Hey Pretty Jek Dela Cerna, Casey Faculan, and second runner-up Aya Garcia. PHOTO: Melba Llanera

ON SAME-SEX UNION

Malaking bagay raw na kasali ang isyung same-sex union sa mga topic na natatalakay nang sumalang sa media interviews ang ilang kandidatong tumakbo noong 2022 elections.

Karamihan sa kanila ay sumang-ayon na dapat na maisabatas ito sa bansa para na rin sa proteksiyon sa mga magkarelasyon na bahagi ng LGBT community.

Naniniwala si Jek na ang matalinong pagboto sa mga uupo sa posisyon ang isa sa unang hakbang para magkaroon ito ng katuparan.

Aniya, "For the future voters, please vote wisely for the future of our country. Someone who [has] the capacity to spark a change and [someone who's] open-minded.

"It's time for our country to have same-sex union and other rights to protect our community."

HOT STORIES