Hindi napigilan nina Agot Isidro at Gretchen Ho na mag-react sa kontrobersiyal na pahayag ni Ella Cruz na "history is like tsismis."
Read: Ella Cruz draws flak for calling history "tsismis"; Xian Gaza posts open letter to her
Kaugnay ito ng pakikisimpatiya ni Ella sa bersiyon ng kuwento ng pamilya Marcos sa karanasan ng mga ito noong huling tatlong araw ng panunungkulan ng yumaong Pangulong Ferdinand Marcos Sr.
Si Ella ay gumanap na Irene Marcos, isa sa mga anak ni Marcos Sr., sa pelikulang Maid In Malacañang.
Sabi ni Ella: "History is like tsismis. It is filtered and dagdag na rin, so, hindi natin alam what is the real history. Andoon na iyong idea, pero may mga bias talaga.
"As long as we’re here alive at may kanya-kanyang opinion, I respect everyone’s opinion."
Hindi sang-ayon sina Agot at Gretchen sa sinabing ito ni Ella.
Sabi ni Agot (published as is): "Ella, I love you and you’re the sweetest. (serious ako. she really is.)
"Next time, puede tayong sumagot ng, 'No comment.'
"Again, mahal kita."
Nagbigay naman si Gretchen Ho ng sampol ng pagkakaiba ng history at tsismis para idiin na ang history ay based on facts at hindi basta sabi-sabi lang.
Tweet ni Gretchen: "Facts =/= Opinion
"My coffee is black = Fact
"My coffee is bitter = Opinion
"History = Facts
"Tsismis = Opinion.
Sabi pa ni Gretchen, "History’s narrative, while subject to the perspective of the author, must be written based on facts, and not opinion."
Nag-post din si Gretchen ng pahayag ng Filipino public historian na si Ambeth Ocampo na nagsasabing, "Real history is about truth, not lies, not fiction."
