Binasag ng pamunuan ng Philippine High School for the Arts (PHSA) ang pananahimik tungkol sa napabalitang talamak umano ang mga insidenteng "sexual abuse" sa naturang boarding school sa Mt. Makiling, Los Baños, Laguna.
Noong Hulyo 5, 2022, Martes, naglabas ng official statement ang government-run boarding school sa inilabas na ulat ng Vice World News tungkol sa appeal letter na pirmado ng "89 current students and 79 alumni" ng PHSA.
THE REPORTED COMPLAINTS of phsa alumni
Nais maimbestigan ng grupo ng PHSA students and alumni ang anila'y kawalan ng aksyon ng paaralan sa matagal na umanong "culture of abuse" na laganap dahil sa walang "clear boundaries" sa pagitan ng "adult staff" at "students" sa loob ng boarding school.
Paniwala ng multiple sources na nakausap ng Vice World News, hindi umano nalulutas ang multiple complaints ng mga biktima ng pang-aabuso dahil sa hirap ng proseso para maiparating ang reklamo sa kinauukulan sa paaralan.
Waring nababalewala umano ang mga reklamo ng mga natukoy na biktima ng pang-aabuso, na nagsabing sila ay menor de edad nang maganap ang indibidwal na insidente sangkot ang ilang natukoy na adult staffers sa PHSA.
Isa sa diumano'y sangkot na teacher ay piniling hindi pangalanan sa ulat ng Vice World News dahil namayapa na ito at di na maipagtatanggol ang sarili.
Salaysay ng isang nagpakilalang PHSA alumnus, madalas siyang pinagre-rehearse ng teacher sa bahay nito kapag weekend dahil sa may conflict of schedule sa "theater work" nito.
Dahil gabi na natatapos ang rehearsals, pinapatulog na raw siya ng teacher sa bahay nito, at sa mga pagkakataong ito naganap ang diumano'y panghihipo sa kanya habang sila ay magkatabing natutulog.
Wala raw ideya noon ang PHSA alumnus na maituturing na sexual abuse ang naranasan niya dahil menor de edad lamang siya nang maganap ang insidente.
May hiwalay pang salaysay ang isa namang PHSA alumna na mayroong dormitory guardian at handyman ang may reputasyon umano noong madalas manghaltak ng bra strap ng mga babaeng estudyante na naghihintay ng school bus after school hours.
Isa pang PHSA alumna ang nagsabi sa Vice World News na naranasan din niyang mahipuan ng parehong dormitory guardian na iyon.
May hiwalay ring alegasyon ang isa pang PHSA alumna na may mga insidenteng masasabing hindi angkop sa menor de edad ang video material na pinapanood sa kanilang klase.
May teacher din daw noon ang PHSA alumna na iyon na pinagawa siya ng "love scene" noong siya ay 12 years old lamang.
Ilan lamang ang mga ito sa mga nakausap na source ng Vice World News.
Iisa ang panawagan nila na sana raw ay aksyunan ng pamunuan ng PHSA ang isyung ito, at siguraduhing "safe space" ang paaralan lalo na sa napipintong pagbabalik ng face-to-face classes sa new school year simula August 2022.
PHSA'S STATEMENT
Sabi ng PHSA management, nakikisimpatiya ito sa mga nagpakilalang biktima ng pang-aabuso noong panahong nag-aaral pa ang mga ito sa PHSA.
Pero "unfair" daw ang "sweeping generalization" na ipinta ang PHSA na "haven for abuse."
Idiniin ng paaralan na maaaring magsumite ng pormal na reklamo sa designated committees ng PHSA na mayroon daw panuntunan at "format" na sinusundan mula sa "existing Civil Service rules."
Narito ang bahagi ng pahayag ng PHSA management:
"Please understand that the School, being an attached agency of the Dept. of Education, has to comply with government rules and regulations.
"Rest assured, in dealing with disciplinary matters, PHSA has its own processes which have been duly recognized by the Civil Service Commission, Commission on Human Rights, the Cultural Center of The Philippines and the Department of Education.
"As felt by many of our alumni, teachers and staff, some of whom have worked at PHSA for more than 20 years, the sweeping generalization, as shown in the articles portraying the PHSA as haven for abuse, is unfair.
"PHSA, just like any other instution, is not perfect. But please be assured all our School personnel are working hand in hand towards providing our students a safe learning environment, whether online or in Makiling."
Sabi pa sa mga safety measures nila:
"Our Student Services have been at the forefront of providing psycho-social interventions upon the request of students and/or their parents. They monitor and address, on a daily basis, students' connectivity ang communication problems.
"They also consduct house visitations of Luzon-based students during the pandemic. Educational drives on updates on the law, in relevant laws and rules are regularly conducted.
"Regular parent-teacher conferences (weekly or even more frequently) with the Guidance Counselor and with the Directors, upon the request of advisers, are also being held."
Sinabi rin ng PHSA na patuloy ang pagpapaalala ng school director na gumamit ng "child-friendly material" na alinsunod sa panuntunan ng MTRCB ang gagamitin sa productions at final artistic output ng mga estudyante.