Sa isang bihirang pagkakataon, ipinakilala ni Martin Nievera ang kanyang non-showbiz girlfriend na si Angie Lyn "Anj" del Rosario sa ilang member ng entertainment press, kabilang ang PEP.ph (Philippine Entertainment Portal).
Nangyari iyon sa plaque of appreciation ceremony para kay Martin sa The Forums ng Solaire Resort noong Miyerkules, July 6, 2022.
Ang brother-in-law ni Martin na si Franco del Rosario ang president ng Rotary Club Makati West, na nag-organisa sa benefit concert na Martin Nievera Live Again sa The Theater@Solaire noong June 25, 2022.
Kasama rin si Thomas Arasi, president and CEO ng Solaire, na nagbigay-pugay kay Martin para sa "commitment and generosity" nitong mag-perform sa benefit concert.
Read: Martin Nievera recounts the time he said "I love you" to an American singer
Pagkatapos ng ceremony, napagkuwentuhan ang love life ni Martin at dito niya inaming 13 o 14 years na silang magkarelasyon ni Anj.
Matagal na raw silang magkakilala ni Anj dahil pareho silang residente ng Ayala Alabang, isang exclusive village sa Muntinlupa City.
Magka-street sina Anj at Martin na may kanya-kanyang bahay doon hanggang ngayon. Kakatwang nasa pareho ring street na iyon ang dating bahay ni Martin at ex-wife na si Pops Fernandez.
Kuwento ni Martin, nagkukrus ang landas nila ni Anj kapag may gatherings sa village, at sa mga pagkakataong nagkikita sila ay nakakapag-heart-to-heart talk sila.
"Yeah, yung problems with our relationships. Yung parang lonely hearts band?
"And then, that’s what we realized—ang dami kaming in common," ani Martin.
NO PLAN TO GET MARRIED?
Nang tanungin kung may plano silang magpakasal, sagot ni Martin, "Eventually, yeah. But I haven’t popped the question."
Sa puntong ito inamin ni Martin ang kanyang pananaw tungkol sa pagpapakasal.
"Although, I dunno if I have to pop any question to anyone. Takot ako, e.
"I’ve lasted longer with her [Anj] without a ring than I did with Pops with a ring," prangkang saad ni Martin.
Na-trauma ba siya sa pagpapakasal?
"Yes! Without hesitation," mabilis na sagot niya.
Sabay paglilinaw ni Martin, "No… On my part, I’m not good at it. I wasn’t good at it.
"I was the one who corrupts the first one. So, I don’t want to mess up this one with the ring."
Walang pressure from Anj?
"Zero, because she had two kids already," sagot pa ni Martin.
Ayon kay Martin, 23 years old na ang panganay na anak ni Anj. At dahil pareho silang malalaki na ang mga anak ay may posibilidad na hindi na sila magpakasal.
"Uhm, yeah. Because, really, I think it’s more for the girl. I think she deserves it.
"Although, she’s not pressuring me. She’s not asking me for that yet, you know."
Sabay pabirong hirit ni Martin, "Uh, she could propose, if she wants it. That’s the thing. That’s the thing now."
Kinikilig na dagdag pa ni Martin, "We’re a great team.
"What’s her profession? To make me happy. And she’s so good at it."
ON ANJ BEING A SUPPORTIVE AND PATIENT GIRLFRIEND
Aminado si Martin na malaking bagay kaya nagwu-work ang relationship nila ni Anj ay sobrang supportive at understanding nito.
Sa loob ng mahabang panahon, low-key lang ang kanilang relasyon dahil iniiwasan daw ni Martin na intrigahin ang private life nila ni Anj.
Saad ng singer, "But she and I have both a great relationship. I never had a better relationship because she’s so patient.
"She’s so behind the scenes, which I’m not saying that the guy has to be in front of the scene.
"I’m just saying, in my world, I’ve been lying about her to all of you for so long, 'cause I’ve been trying to protect her from us, from our world, our expectations, so many questions."
Hindi raw kasi maiwasang may detractors na bumabatikos kay Anj dahil sa fans na sentimental sa tambalan ni Martin at ex-wife na si Pops.
Nananatili kasing magkaibigan sina Martin at Pops at may mga pagkakataong nagkakatrabaho pa rin sila.
"And then, there’s doing shows with the ex-wife [Pops] again and she’s [Anj] being bashed left and right.
"And that’s the worst. They did. Look what they have done already in her world? I mean, if bashing is a world?
"I ruined it. And it’s my fault because I went on stage again with the ex, the ex," pagbigay-diin pa ni Martin sa past marriage nila ni Pops.
Dagdag niya, "We don’t even have anything to do with each other anymore and they’re still bashing whoever I’m with."
Patunay na hindi isyu kina Pops at Martin ang history nila bilang ex-couple ang pagkakataong nagkasama-sama sila nina Anj noong January 2022.
Si Pops pa mismo ang nag-post sa Instagram ng litrato ng kanilang unconventional family.
Makikita kasi doon si Martin kasama ang ex-wife na si Pops, ang ex-partner na si Katrina Ojeda, at current girlfriend na si Anj. Naroon din ang anak nina Pops at Martin na si Ram, pati ang anak ni Martin at Katrina na si Santino.
Read: Pops Fernandez, naka-bonding ang past at present loves ni Martin Nievera