Inamin ni Axel Torres na sa kauna-unahang pagkakataon ay nagkrus ang landas nila ng ex-girlfriend na si AJ Raval isang taon makalipas ang kanilang breakup.
Naganap ngayong Sabado ng umaga, July 9, 2022, ang virtual story conference at media conference ng Katawang Lupa.
Ang original series na Katawang Lupa na mula sa direksyon ni Joey Javier Reyes ang unang project ng basketball player at aktor na si Axel Torres para sa Vivamax.
At dahil may proyekto siya sa Vivamax, tinanong ng PEP.ph (Philippine Entertainment Portal) si Axel kung papayag ba ito na makatrabaho sa isang pelikula si AJ.
Dito na sinabi ni Axel na hindi inaasahang nagkita sila ni AJ.
Nagpakatotoo si Axel sa sagot nito dahil hindi niya itinago ang tunay na nararamdaman para sa dating nobya.
"Actually, nagkita kami last night [July 8]. For the first time, nagkita kami last night.
"Pero nag-pretend na lang ako na she wasn’t there," prangkang pag-amin ni Axel.
"She was beside us pero kunwari, hindi ko siya…kasi parang… kasi first time uli namin nagkita since nangyari yung before."
Sa mga sumunod na salita ni Axel, mahihinuhang hindi pa siya bukas na makatrabaho si AJ sa ngayon.
Tila may hinanakit pa rin siya sa dalaga dahil sa kinahinatnan ng kanilang relasyon na tumagal nang halos dalawang taon.
"Siguro kung magkaka-project kami, I doubt. I doubt na mangyayari ‘yon.
"I think na-offer na siya before, pero sabi ko nung first time, fresh pa noon [ang break up], hindi ko talaga tinanggap.
"Maybe in a few years, siguro baka puwedeng mangyari ‘yon, pero right now, malabong mangyari," diretsong pahayag ni Axel na kilala bilang ex-housemate ng Pinoy Big Brother All In.
AJ AND AXEL'S BITTER BREAKUP
May 2021 nang isinapubliko ni AJ ang tungkol sa relasyon nila ni Axel, pero naghiwalay sila noong June 2021.
Sa panayam kay AJ noong August 2021, ipinagtapat niya na ang pagtutol ni Axel sa kanyang pagpapaseksi sa mga pelikula ang isa sa mga dahilan ng kanilang hiwalayan.
Inamin ni AJ na nagdesisyon siyang bigyang prayoridad ang career kaysa love life.
READ: AJ Raval opens up about breakup with boyfriend Axel Torres: "Ayaw niya po akong magpaseksi."
Hanggang sa noong October 2021, pinatutsadahan ni Axel si AJ nang i-dedicate niya ang kanyang "Traitor" sa dalaga.
Gamit ang lyrics ng kanta ni Taylor Swift, ipinarating ni Axel ang sakit na naramdaman na makita si AJ na may kasamang iba.
READ: Axel Torres dedicates "Traitor" song to ex-girlfriend AJ Raval months after their breakup
Saktong October 2021 din nang unang kumalat sa social media ang sweet photos ni AJ at Aljur Abrenica.
READ: "Getting-to-know stage?"—AJ Raval, Aljur Abrenica spotted HHWW at a mall
AXEL'S PROJECT ON VIVAMAX
Sa kabilang banda, tiniyak ni Joey Reyes na hindi niya paghuhubarin si Axel sa Katawang Lupa dahil isang imbestigador ang karakter na gagampanan ng aktor.
Nagbigay naman ng update si Axel sa pinagkaabalahan niya bago tanggapin ang proyektong ito.
Aniya tungkol sa kanyang showbiz career, "Hindi naman ako nag-inactive. Siguro, yung roles na ibinibigay sa akin, hindi ako palaging available. May roles na hindi ko rin tinanggap.
"Nagba-basketball ako like part ako ng MPBL [Maharlika Pilipinas Basketball League] for one year.
"So every day training namin sa morning, tapos games.
"I do online business rin. Mostly, events kasi ang mga ginagawa ko like mall shows."