Nasa malubhang kalagayan ngayon ang Philippine track and field legend na si Lydia de Vega, 57.
Ayon sa Facebook post ng kanyang anak na si Stephanie Mercado de Koenigswarter ngayong hapon ng Miyerkules, July 20, 2022, kritikal ang kundisyon ng ina dahil sa kumplikasyon ng Stage 4 breast cancer.
Kahit ilang operasyon na raw ang pinagdaanan ng dating atleta—kabilang na ang brain surgery—hindi pa rin daw bumubuti ang kalagayan nito.
Pahayag ni Steph, “My dearest mother, Lydia de Vega, is in very critical condition due to complications caused by her Stage 4 Breast Cancer condition.
“She was diagnosed with this in 2018 and has been silently fighting the disease for the past 4 years.
“As the disease is progressing, her condition is quickly worsening despite undergoing many procedures including brain surgery.”
Humihingi siya ng dasal at financial help na rin para sa gamutan ng ina.
Apela pa niya, “I am requesting everyone to please pray for her in this desperate time of need. If anyone would like to assist financially to cover her medical expenses, any donation would be deeply and whole-heartedly appreciated [heart emoji] maraming salamat po!
"For any financial assistance, kindly deposit to the following account: BPI Savings, 3209 0956 44, Stephanie de Vega Mercado
"You may also reach me through this number 09196005244"
Tinaguriang "Asia's fastest woman" si Lydia noong kasikatan niya bandang dekada '80.
Nakapag-uwi siya ng samu't saring mga medalya mula sa iba't ibang kumpetisyon—Asian Athletics Championships, Asian Games, at Southeast Asian (SEA) Games.
Isa si Lydia sa naging flag bearers sa idinaos na 2019 SEA Games dito sa bansa.