Engaged na si Alodia Gosiengfiao sa kanyang boyfriend na si Christopher Quimbo.
Sa YouTube niya in-announce ang good news noong July 23, 2022, at sa nasabing vlog ay idinetalye rin ang naganap na proposal.
Ang caption ni Alodia sa video: “For some, it takes a lifetime to find true love. But for the lucky ones, a lifetime is merely enough to share the love they’ve found.”
Sa winery ng pamilya ni Christopher isinagawa ang proposal. Naroon din ang pamilya ng sikat na cosplayer.
Ayon kay Alodia, “Naging suspicious na ako kasi bakit ang daming flowers. Okay, maganda itong pang-Instagram and what-not.
“And then nagkaroon na ng candles and a little parang set-up na doon sa middle. Ah, okay, parang there's something happening.”
Hindi nagtagal, lumuhod si Christopher at inilabas ang engagement ring sabay tanong kay Alodia ng: “Will you marry me?”
“Of course!” ang walang gatol na sagot ni Alodia.
"Grabe!" bulalas pa niya habang minamasdan ang suot na engagement ring.
Ang kuwento pa ni Christopher, “We went back and played piano. I sang for her. I knew at that point this would happen. Now, she's my fiancee.”
Sa video ay ibinahagi rin ni Christopher na sinabi niya kay Alodia na gusto niya itong maging girlfriend isang buwan matapos nilang mag-meet.
Isinapubliko nila ang kanilang relasyon noong April.
Ito ay limang buwan matapos kumpirmahin ni Alodia ang breakup sa vlogger na si Wil Dasovich, na naging boyfriend niya sa loob ng apat na taon.
Samantala, sa vlog ay nagpahayag si Christopher ng sobrang paghanga sa kanyang fiancee.
“She's a phenomenal person. So a wonderfully deep person, an entrepreneur, and on top of all that, she's beautiful."
Pangako niya, “I'll be good to her. I'll be her biggest fan. I'll treasure her.”
Para naman kay Alodia, sobrang perfect ng kanyang boyfriend, na president at general manager ng Calabria Company Limited, na gumagawa ng Novellino wines.
Sabi ng 34-year-old celebrity, "I couldn't believe someone like him exists. Parang sobrang perfect fit, I guess. Parang naiintindihan niya ako, naiintindihan ko siya. It's nice. Maganda pala yung life, haha!
“I guess, ayun nga, I couldn't imagine a life na without him. Everything is just falling into place na hindi siya pilit, hindi siya nira-rush or something. Parang napakaganda lang, I guess. It's very pure.
“Thank you for existing. I'm super excited to share this next journey with you. And again I guess this is not the only life. Parang ang iniisip ko, forever, e. Ganun. May forever, haha!”