Muli na namang ipinaramdam ni Dennis Padilla ang kanyang pangungulila sa mga anak sa dating asawa na si Marjorie Barretto.
May tatlong anak sina Dennis at Marjorie: sina Julia, Claudia, at Leon Barretto.
Lunes ng gabi, July 25, 2022, nauna nang binati ni Dennis si Claudia para sa ika-23 kaarawan nito ngayong araw, July 26.
Hindi lang isang beses binati ng komedyante ang anak.
Una niyang post sa Instagram ang larawan ng anak noong musmos pa ito.
Mensahe ni Dennis sa caption: “Dearest Claui... Happy birthday anak... Miss you... God bless you more!! [praying hands, sparkling heart, wrapped gift emojis]”
View this post on Instagram
Makalipas ang isang oras, muli niya itong binati sa pamamagitan ng lumang larawan nilang mag-ama.
Mensahe nni Dennis, “Happiiii bday anak... God bless you more claui.... Love you [praying hands, sparkling heart, wrapped gift emojis] @luweezyyyy @dianegbalmes @genepadillaaaa @jenny_ontheblock @danibarretto”
View this post on Instagram
Wala namang sagot si Claudia dito kahit may ilang netizens na tinag ang kanyang account.
"INDEPENDENT AND VERY RESPONSIBLE"
Samantala, kaninang umaga, isang appreciation message naman ang ibinahagi ni Marjorie para kay Claudia.
Hindi lang daw maganda, kundi matalino, masipag, mapursige, at tumatayo sa sariling paa ang anak.
Pahayag ni Marjorie, “Beauty, intelligence, wit, humor, hardworker, determined, strives for perfection, organized, full of grace and strength.
“That is Claudia to me and her siblings. You have been living your life to the fullest and you deserve it, Clau because you have proven to be independent and very responsible. What an epic year it has been for you.
“Happy Happy 23rd Birthday my love. I’m proud and blessed to be your Mom. You don’t need me much anymore but you know how I am just behind you praying and rooting for you!”
View this post on Instagram
Simpleng tugon ni Claudia, “Will always need you mom! I love you [heart emoji]”
DENNIS PADILLA'S RELATIONSHIP WITH CHILDREN
Nitong nakaraang June 22, naghimutok si Dennis dahil hindi umano siya binati ng kanyang tatlong anak na sina Julia, Claudia, at Leon ng “Happy Father’s Day” noong June 19, Araw ng mga Ama.
Tila masama ang loob nito sa tatlong anak kay Marjorie.
Read: Dennis Padilla laments not getting Father’s Day greeting from children Julia, Claudia, Leon
Makalipas ang ang apat na araw, si Leon ang sumagot kay Dennis noong June 26.
Sa pamamagitan ng open letter, humingi ng paumanhin si Leon sa ama na hindi niya ito binati ng "Happy Father's Day."
Hindi raw kasi nila alam ang katayuan nilang magkakapatid sa kanilang sariling ama taun-taon.
Bahagi ng post ni Leon, "It's always been an awkward day for us cause we never seem to know where we stand with you every year. I've always envied people who never even have to think twice about greeting their dads a 'Happy father's Day'.'"
Kasunod nito ay naglabas si Leon ng kanyang hinaing sa ama na patuloy raw sinusunog ang pilit nilang binubuong tulay tuwing nagsasalita si Dennis sa press at social media ng mga pribadong bagay tungkol sa kanilang magkakapatid.
Himutok niya, "For the past 10 years, we have been trying so hard to slowly rebuild the bridge you continuously burn every time you talk about our private matters in your press cons, interviews, and social media.
Papa, why does it seem like you enjoy hurting your kids in public?
"Why do you keep posting cryptic posts about us and allow people to bash us on your own Instagram page?
"Do you think it does not pain all of us not to feel protected by their own father?
"It's not that we don't want to talk to you, but the few times that we do to resolve the issues, you communicate by shouting, cursing, and using hurtful words that traumatize us."
Tanong pa ni Leon sa ama: "Is public sympathy really more important to you than your own children?
"Your words have the power to destroy your children, papa."
Kinastigo rin ni Leon si Dennis sa paninira umano nito sa kanyang mga kapatid na babae na hindi raw kailanman nagsalita laban sa kanya.
Sa kaparehong araw, humingi ng paumanhin si Dennis kay Leon dahil sa inasal niya sa social media.
Saad niya, “I am sorry Leon… Miss ko lang kyo. God bless you more.”
Read: Dennis Padilla, nag-sorry sa anak na si Leon Barretto: "Miss ko lang kayo."