Nagsalita na sina newly crowned Bb. Pilipinas-International 2022 Nicole Borromeo at Bb. Pilipinas-Intercontinental 2022 Gabrielle Basiano kaugnay ng sinasabing crown mix-up nilang dalawa sa national pageant.
Paglilinaw nina Nicole at Gabrielle, walang pagkakamaling nangyari.
Read: Nicole Borromeo of Cebu City crowned Bb. Pilipinas International 2022
Nabalot ng tensiyon at kontrobersiya ang Binibining Pilipinas 2022 grand coronation noong Linggo, July 31, nang magkaroon ng ilang minutong delay sa announcement ng Bb. International-Pilipinas crown.
Ito ay matapos i-announce ang Bb. Pilipinas-Intercontinental crown ni Gabrielle.
Dagdag pa rito ang mga lumabas na videos na may mga salitang “nagkamali” sa resulta kaya nagkaroong delay sa announcement ng winners.
Nakunan din sa camera ang diskusyon ng floor director at hosts na sina Miss Universe 2018 Catriona Gray at Miss Grand International 2016 first runner-up Nicole Cordoves.
Hindi rin nakatulong dito ang posts ng Top 12 semi-finalist na si Karen Laurrie Mendoza na nagdagdag ng espekulasyong nagkapalit umano ng korona sina Nicole at Gabrielle.
NICOLE AND GABRIELLE SPEAK UP
“Binibining Pilipinas naman kasi explained everything sa akin kanina, na parang nagkaroon lang ng something na hindi pagkakaunawaan, confusion lang,” sabi ni Gabrielle ng Eastern Samar sa interview ni ABS-CBN entertainment reporter na si Mario Dumaual.
“So, I would like to tell everybody din, lalo na who’s part of the competition, na nagkaroon lang ng confusion.
“And yung mga titles po na iyon is si Nicole po talaga ang Miss International and I’m Miss Intercontinental."
Kumpiyansa naman daw si Nicole sa Binibining Pilipinas Charities, Inc. na hindi nito ilalagay sa alanganin ang kanilang organisasyon.
“I trust the Binibining Pilipinas organization. They wouldn’t put the girls in this kind of situation. They would be sure to clear things out.”
Pag-amin ng Cebuana beauty queen, kinabahan din siya sa delayed announcement.
“If you saw the video, you could see we’re smiling. I’m not gonna pretend that I wasn’t feeling the nerves, but I was really hoping for the best.
“And I’m really happy with how it turned out,” sabi ni Nicole.
Nauna na ring nagsalita si Catriona at nilinaw na tama ang binasa niyang resulta.