Nag-sorry si Karen Laurrie Mendoza kaugnay ng kontrobersiyal niyang post na nagpapatamang nagkaroon ng umano dayaan sa Binibining Pilipinas 2022 pageant.
Nagkaroon kasi ng ilang minutong aberya sa announcement of winners sa grand coronation night noong July 31, 2022.
Dahil dito, may mga espekulasyong may mix-up sa announcement of winners.
Lalong umingay ang isyu dahil sa post ni Karen ng photo ng kapirasong papel kunsaan makikita ang mga pangalan at numero ng mga winners na hindi pa naa-announce, dahilan para lalong isipin ng iba na posible ngang nagkabaliktad ang titles ng dalawang nanalo.
Read: Did Karen Laurrie Mendoza just throw shade at Binibining Pilipinas 2022 results?
Pero itinanggi ng iba’t ibang personalidad na konektado sa Binibining Pilipinas organization na nagkaroon ng mix-up, at pare-pareho sila sa kanilang paninindigan na tama ang mga resulta.
Read:
- BPCI ExeCom member Lara Quigaman on Binibining Pilipinas 2022 results: “There were no mistakes.”
- Management of Catriona Gray, Nicole Cordoves addresses Binibining Pilipinas 2022 announcement issue
Si Karen ng Iloilo City ay nakaabot sa Top 12 ng national pageant, pero hindi nakasungkit ng anumang korona.
Sumali si Karen sa Binibining Pilipinas noong nakaraang taon at umabot siya sa Top 13.
Inanunsiyo rin ni Karen na huling pagkakataon na niya na sumali sa pageant dahil sa age limit.
Kasunod ng kanyang controversial post, nanahimik muna si Karen sa social media.
Pero ngayong Linggo, August 7, nag-post si Karen para magpaliwanag at humingi ng dispensa sa kontrobersiyal niyang post.
KAREN LAURRIE EXPLAINS AND APOLOGIZES
Sa simula ng Instagram post ni Karen, tila dinepensahan muna niya ang sarili kung bakit nagawa niyang i-post ang larawang kumalat.
Mas lumakas kasi ang suspetsa ng iba na nagkabaliktad ng titulo sina Binibining Pilipinas International 2022 Nicole Borromeo at Binibining Pilipinas Intercontinental 2022 Gabriel Basiano.
Ang buod ng simulang paliwanag ni Karen sa IG post, masama ang tingin sa kanya dahil hindi siya sumunod sa mold ng nakasanayang beauty queen na prim and proper.
Hirit niya, “If you made that one mistake. People will criticize you and bring you down. They don’t even care about your explanation.”
Gusto raw niyang magpakatotoo at hindi dinidiktahan ng iba kung paano siya dapat kumilos.
“I want to be me. The flaws and the good. I want to be remembered as the girl who is not afraid not to be okay.”
Saka siya humirit, “That’s why I want to apologize on the photo I posted a few days back.
“Like everyone else, I wanted answers too. What was written on that piece of paper will cost a dream and I wanted to help shed light on the many questions.
“But I deleted it because it was already clarified by the organization. Binibini is the pageant I joined in because I believe in the organization.”
Katuwiran pa ni Karen, naniniwala siyang panalo na siya dahil sumabak siyang muli sa national pageant at wala siyang pinagsisisihan.
“I wasn’t afraid to lose. I already know I won because I tried. I don’t want to be that girl who didnt try because she was afraid to lose.
“I thought my first binibini was my first and last but I thank each and every one who pushed me to try again.”
Nagpasalamat si Karen Laurrie sa lahat ng mga naniniwala sa kanya.
Binati rin niya ang runners-up at title holders ng pageant.