May pakiusap si Andre Yllana, 23, sa kanyang amang si Jomari Yllana, 45.
Mensahe niya, huwag iparanas ni Jomari sa mga nakababatang kapatid ni Andre ang naranasan nitong lumaking wala ang ama sa kanyang tabi.
Si Andre ay anak ni Jomari sa dating asawang si Aiko Melendez, 46.
Hindi man tinukoy ni Andre kung sino ang mga sinasabing kapatid, hindi lingid sa kaalaman ng publiko na may dalawang paslit na mga anak si Jomari sa dating live-in partner na si Joy Reyes.
Related articles:
- Jomari Yllana’s former live-in partner accuses actor of neglecting their two kids anew
- Joy Reyes reacts to Jomari Yllana's allegations against her
- Jomari Yllana mulls filing custody complaint against Joy Reyes
Mensahe ni Andre sa ama: “Yung mistake mo sa akin dati, wag mo nang ulitin sa mga kapatid ko dahil bata pa sila.
“So, habang bata pa sila, go for it.”
ANDRE’S RELATIONSHIP WITH JOMARI
Natanong si Andre tungkol sa relasyon niya kay Jomari sa YouTube video ng inang si Aiko nitong August 14, 2022.
Inusisa ni Aiko ang anak sa relasyon nito sa dating asawa.
Naniniwala raw si Aiko na si Andre ay nasa “best state” pagdating sa relasyon nila ng amang si Jomari.
Matipid ang tugon ni Andre rito: “So far so good.”
Muling nagkomento si Aiko na malaya si Andre sa pagkakaroon ng bonding time kay Jomari.
“Oo naman,” pagsang-ayon ni Andre.
Dinagdagan ni Andre ang sagot. Mahihinuhang bagamat maayos ang relasyon nilang mag-ama, hindi na ito katulad ng dati.
Saad niya, “Minsan kasi may mga bagay na it’s too late na.
“Siguro yung thirst ko for a father dati, hindi na rin ganun ka…
“Sa totoo lang, kung dati grabe akong maghabol kay Dad, ganyan… siguro nasanay na rin ako na parang wala siya.
“Kaya pasensiya na rin, Dad, kung may mga times na nakakalimutan kita.”
Sa murang edad ay nakagisnan na ni Andre ang paghihiwalay ng kanyang mga magulang. Lumaki si Andre sa piling ng ina.
May isa pang anak ni Aiko, si Marthena, na anak niya sa second husband niyang si Luke Jickain.
Sinabi ni Andre na kinikilala niya ang ama bagamat may lamat ang kanilang relasyon.
Aniya, “Kahit ano man ang mangyari, I’ll always still be here for you through thick and thin. Kaso nga lang, like I said, may mga bagay na hindi na kasing init dati.”