Kilig na kilig ang #CassRen fans dahil ang tatay mismo ni Cassy Legaspi na si Zoren Legaspi ang nagbibigay ng updates sa social media tungkol sa kanila ni Darren Espanto.
Nitong nakaraang July 2022, ibinahagi ni Zoren sa kanyang Instagram account ang video na palihim nitong kinuha nang bisitahin ni Darren si Cassy sa kanilang tahanan.
Nitong August 13, 2022, nakapanayam ng PEP.ph (Philippine Entertainment Portal) si Darren tungkol dito bago siya sumalang sa stage para sa TikTok Awards Philippines 2022.
Natatawang kuwento ng Kapamilya singer, "It's very funny kasi ako po, I know Tito Zoren is there.
"But then, Cassy's like the one na nahihiya sa mga bisita niya or, like, to me when Tito Zoren is taking videos. But to me, it's very chill."
Dagdag pa ni Darren, "Tito Zoren is very nice and chill na dad.
"Actually, yun nga po, e, very Gen Z si Tito Zoren minsan. So, to me, it's a funny thing that he does."
Read also: Zoren Legaspi secretly takes a video of daughter Cassy dining with Darren Espanto at home
Taong 2016 nung unang makilala ni Darren si Zoren at ang asawa nitong si Carmina Villarroel nang mag-guest ang mag-asawa sa ASAP upang mag-promote ng teleseryeng Til I Met You.
Dito rin unang nakilala ni Darren ang kambal na anak nina Zoren at Carmina na sina Cassy at Mavy.
Ngunit, ayon sa singer, nitong pandemic lang talaga sila nagsimulang maging close.
Kuwento ni Darren, "When they [Zoren and Carmina] were still with us in ABS-CBN po, we met for the first time in ASAP. So, that's when I met the twins.
"Ayun, pero we never became close until the pandemic na lang talaga."
TIKTOK AWARDS PH 2022
Samantala, isa si Darren sa mga artistang kabilang sa special guest performers para sa TikTok Awards Philippines 2022 na ginanap sa New Frontier Theater sa Quezon City.
Excited si Darren na mapanood ng fans ang kanilang collab sa stage lalo't maigi nila itong pinaghandaan.
Aniya, "We actually went through so many rehearsals because this opening is very different from openings you've seen sa mga awards shows.
"May mga elements na kinunan namin around Araneta City. So the concept is really different. So that's why I'm very excited for all of them to see the opening number which I'm part of."
Bukod dito, masaya rin si Darren dahil kasama niya sa opening number ang Kapuso stars na sina Zephanie Dimaranan at Miguel Tanfelix, ang kapwa Kapamilya talent na si Awra Briguela, ang dancer na si Kenneth San Jose, at ang Asian-American boy group na North Star Boys.
Saad niya, "Last year, I started performing with a live audience. I'm glad that here in Manila, it's slowly coming back.
"And ayun nga po, nakaka-miss siyempre, but even though we're not fully back to normal, may sense of normalcy na tayong nararamdaman.
"And it's so nice to perform with my friends again. Siyempre, they're in the other network. Hindi ko na po sila nakaksama.
"But this event was something na nakapag-reunite po kami."
READ MORE: