Paano ba magmahal ang volleyball star na si Deanna Wong?
Ito ang sinagot ni Deanna sa panayam sa kanya ni Luis Manzano sa vlog nitong "Luis Listens" na lumabas nitong nakaraang September 6, 2022.
Sa nasabing interview, muling binalikan ni Luis ang pagsisimula ni Deanna sa volleyball hanggang sa pagsikat nito sa larangan ng palakasan.
Sa isang bahagi ng usapan nila, naitanong ni Luis kay Deanna kung paano ito pag in love o nagmamahal?
Isang word lang ang hiningi ni Luis bilang paglalarawan kung paano siya kapag nagmahal.
Sagot ni Deanna: “Paano ako? For me, kasi kilala ko naman talaga... ako yung taong kilala yung sarili ko, totoo.”
Umabot na ba siya sa puntong umiikot lang ang kanyang mundo sa taong minahal niya?
Aniya, “I admit I was in that stage before. Pero siyempre, sabi ko nga, through every situation, you get to learn from those experiences. So now you get to balance stuff na.”
Ano naman ang craziest thing na nagawa niya for love?
Tugon ni Deanna, “Parang in general, I think I was able to sacrifice things na hindi ko akalain na masa-sacrifice ko.”
Hindi man nabanggit sa buong panayam ang pangalan ng napapabalitang malapit sa puso ngayon ni Deanna na si Ivy Lacsina, hayag naman na sa publiko na nag-level up ang relasyon ng dalawa.
Nitong nakaraang August 29, ibinahagi ng F2 Logistics volleyball player na si Ivy ang sweet travel photos nila ng rumored partner na si Deanna, na naglalaro para sa koponan ng Choco Mucho Flying Titans sa Premiere Volleyball League (PVL).
Sabi ni Ivy sa caption: “Go around the world with you my greatest adventure [sparkles emoji]”
Komento ni Deanna sa post ni Ivy, “Ur a planet in my galaxy [smiling, sparkles, dizzy, globe emojis]”
Read: Volleyball players Deanna Wong, Ivy Lacsina exchange sweet messages on Instagram