Nakakaawa ang hitsura ng isang beauty queen matapos masigawan ng direktor sa harap ng maraming tao sa set.
Hindi kasi maibigay ng beauty queen ang karampatang emosyon para sa eksena kaya nagpaulit-ulit ito sa take.
Na-high blood siguro si direktor kaya napasigaw ito at nagmura pa.
Tuloy, pakiramdam ng beauty queen at pinagkaisahan siya ng universe at napahagulgol ito nang bongga.
Sa mga sandaling iyon ay wala nang keber sa poise si beauty queen, na kung tutuusin ay sanay naman sa grace under pressure dahil dumaan ito sa rigid training during her pageant days.
Pero shookt siguro siya dahil napahiya, at tingin ng isa sa mga nakasaksi ay na-trauma siya.
Samantala, kilala ang direktor sa pananalak at paninigaw sa set. Kung tutuusin, nag-mellow na raw siya. Pero hindi raw talaga ito makapagpigil kung take nang take dahil hindi naghanda sa eksena ang artista.
Pero hindi siya namemersonal.
At pagkatapos ng talak, mura, at sigaw, back to work.