Hindi nakalusot sa mapagmasid na netizens ang pagbura ni Gerald Anderson sa kanyang comment sa Instagram post ng kaibigang si Rayver Cruz.
Suspetsa ng netizens, binura marahil ni Gerald ang comment niya nang mapansing kasama pala si Bea Alonzo sa isa sa photos na ibinahagi ni Rayver.
Pero bago pa man mabura ng akor ang kanyang komento ay na-screenshot na ito ng ilang netizens at kumakalat na ito ngayon sa social media.
Si Bea ay ex-girlfriend ni Gerald, at hindi naging maayos ang kanilang paghihiwalay noong 2019.
Read: Bea Alonzo posts cryptic message on Instagram; fuels rumors of breakup with Gerald Anderson
RAYVER POSTS PHOTOS INCLUDING BEA
Noong weekend, nag-post ng mga larawan sa IG si Rayver, na kasalukuyang nasa U.S. para sa series of shows ng GMA Pinoy TV.
Tatlong larawan ang ipinost ni Rayver: una ang solo pic niya, kasunod ang photo nila ng rumored girlfriend niyang si Julie Anne San Jose, at ang huli ay ang larawan nila ni Julie Anne kasama sina Dingdong Dantes at Bea.
Ang apat na Kapuso stars ang headliners sa GMA Pinoy TV concert sa U.S., kasama sina Ai-Ai delas Alas at Lani Misalucha.
Komento ni Gerald sa post ni Rayver: “Without me? [crying emoji]”
Mahihinuhang ang komento ni Gerald ay pangungulit lang kay Rayver, na malapit niyang kaibigan. Aktibo ang dalawa sa pagkokomento sa posts ng isa’t isa.
Hindi na mahagilap ngayon ang komento ni Gerald. Tila binura na niya ito.
Pero mas mabilis ang mata ng netizens at sinabing napansin nila ito.
NETIZENS REACT
Nag-iwan ng mga komento ang netizens. May mga nagtatanong kung bakit binura ni Gerald ang comment niya dahil may mga nakakita na nito.
Ang iba naman, may mga espekulasyon kung bakit binura ng Kapamilya actor ang kanyang komento.
Sabi ng isa, marahil hindi napansin ni Gerald ang third picture na kasama si Bea.
Ganito rin ang palagay ng isang netizen, at idinagdag na “palagi naman ganon comment niya [Gerald] (without me) pati kay Sam Milby.”
Pagtatanggol ng isa (published as is): “Yung comment nya ay para kay rayver Yun Kasi solo.
“Baka nga di na nya scroll Yung ibang pics.
“Napansin lang nya Yun Nung may nagtag sa kanya na nandun.”
Sabi ng ilan, marahil minarapat ni Gerald na burahin ang komento niya para iwas-intriga.
