Pinanindigan ng TV host na si Joyce Pring ang kanyang pahayag na sa impiyerno ang bagsak ng mga taong hindi naniniwala kay Jesus Christ at sa Kristiyanismo.
Ayon kay Joyce, ang pagiging Kristiyano lamang ang susi upang makapasok sa langit ang isang tao.
Kung ikaw ay non-believer, tiyak na sa impiyerno raw ang kapupuntahan mo.
Pahayag niya sa podcast ni Wil Dasovich na lumabas noong October 8, 2022: “A non-believer as in someone who doesn’t believe in Jesus? No. They’re gonna face judgment in hell.”
Dahil sa pahayag niyang ito, inulan siya ng matinding batikos mula sa netizens.
May ilan mang sumang-ayon, pero lamang pa rin dito ang sumalungat sa kanya.
Sa pamamagitan ng Instagram nitong Huwebes ng gabi, October 13, dinipensahan ni Joyce ang sarili.
Hindi raw siya nagmamalinis at inaming makasalanan din siya.
Pahayag ng host, “I’ve seen many things said about me in the past 2 days—mean things, horrible names, false stories, etc. So I just want to clear the air here and say this: some of you guys are absolutely right; I’ve been a bad person.
“Maybe even a worse person than you’d think. I’ve had the messiest history, I’ve made bad decisions, I’ve hurt people—I’ve done it all, and if I’m being honest, I still make pretty awful mistakes to this day.”
Pero ito raw punto kaya naniniwala siya sa nakasaad sa Bibliya na ang pagkaligtas ng isang tao ay sa pamamagitan lamang ng Hesus Kristo.
Saad ni Joyce, “And that’s precisely why I believe in the gospel of Jesus Christ—that salvation comes only through Him; not through our works, or by our own merit.
"Jesus died on the Cross precisely for hopeless, depressed, sinful people like me—because I’d have no chance at Heaven if it were just up to me.”
“WE ARE SINFUL"
Ayon pa kay Joyce, ang pagsasakripisyo ni Hesus noon ay upang maisalba niya ang mga makasalanan.
Bukod pa rito, layon din daw ni Hesus na tayo ay magbago upang maramdaman natin ang totoong pagmamahal, kapayapaan, at kaligayahan.
Kailangan lamang daw ng tao na magpakumbaba at magsisi sa kanilang naging kasalanan.
Aniya, “God loves us so much that He made a way for us to be reconciled to Him through Jesus.
“Yes, we are sinful. But He died on the Cross and bore our sin and shame not only so that we can be saved, but also that we would be transformed, renewed, and experience what True love, peace, and joy mean.
“All we need to do is humble ourselves to believe and repent.”
Ayon kay Joyce, ang paniniwala sa Diyos ang pinakamahalagang regalo na natanggap niya sa buhay.
Dati raw siyang nagkasala at hanggang ngayon ay nagkakasala pa rin, pero ipinapasa-Diyos na niya ito lahat dahil ang totoong kahulugan ng buhay ay mahahanap daw natin sa pamamagitan lamang ni Hesus.
Dagdag niya, “This is the greatest gift I have ever received — by grace alone, through faith alone, in Christ alone.
“I used to be a shameful sinner, and now I am STILL an imperfect, bruised, calloused, wonky, Christ-follower.
"But by the grace of God, I have surrendered my life to Him and continue to walk with Him through all seasons—because I know that true life can only be found through Him.”
Umaasa si Joyce na mapakinggan nang buo ang kanyang kuwento sa podcast ni Wil upang maintindihan daw ng mga nanghuhusga ang nais niyang iparating na mensahe.
Pagtatapos niya, “I hope you get the chance to listen to the full episode of the podcast “Unpacking Christianity” with @wil_dasovich. Love you guys. And I mean, all of you. [heart emoji]”
View this post on Instagram
Suportado naman si Joyce ng asawang si Juancho Trivino.
Komento ni Juancho sa kanyang post, "Always here for you my love [praying hands, heart emojis]"
