Sinakyan ni Michael V.—Beethoven del Valle Bunagan sa totoong buhay—ang pagba-viral ng larawan nila ng la-look alike niyang anak na si Milo Bunagan.
Manghang-mangha ang maraming netizens dahil para silang pinagbiyak na bunga ng binatang anak.
Read: Here's why Michael V.'s photo with his children became viral
Sa Instagram ngayong Miyerkules, October 19, 2022, ibinahagi ni Michael V. ang larawan nila ng kanyang mga anak, kabilang si Milo, na nanood ng advance screening ng latest Hollywood movie ni Dwayne Johnson na Black Adam.
Caption ng Kapuso comedian, “We watched the premiere of #BlackAdam kagabi sa IMAX SM Megamall!
"‘Sinama ko uli ‘yung anak kong nag-viral because my kids LOVE the cinema! Thank you @warnerbrosph for the invite!”
Nagbahagi rin si Michael V. ng kanyang review sa pelikula.
View this post on Instagram
Nakakatawa naman ang mga komento ng netizens tungkol sa kanilang larawan:
Noong October 14, nag-viral ang lumang photo ni Michael V. kasama ang mga anak na sina Milo at Yanni Bunagan.
Noong June 2022 pa ang nasabing post na ito ng komedyante, pero muling nag-circulate sa social media at naging viral sa Facebook matapos i-repost ng content creator na si Perds Centino.
Mula sa original na family photo, nag-crop si Perds ng portion para makita si Michael V.—kilala rin sa showbiz sa tawag na Bitoy—na katabi ang anak na babaeng si Yanni, at si Milo.
Hindi maipagkakailang kamukhang-kamukha ni Bitoy ang dalawang anak, lalo na si Milo.
Caption ni Perds sa kanyang Facebook post: "Si Bitoy at ang anak ni Bitoy na mas mukhang Bitoy kaysa kay Bitoy."
Ang akala ng ilang netizens ay in-edit lang sa photo editing app na Photoshop ang larawan.
Pero nasa Instagram pa rin ito ni Bitoy.
View this post on Instagram
Nai-share ito noon ni Michael V. sa Instagram matapos manood ng kanyang pamilya ng premiere ng Jurassic World Dominion noong June 7.