Trending topic sa Twitter ang grand winner ng "Miss Q&A: Kween of the Multibeks" ng It's Showtime na si Anne Patricia Lorenzo dahil sa kanyang winning answer.
Gayundin ang mismong timpalak na number 1 pa rin sa Twitter hanggang ngayon, October 22.
Ang final question para sa “Last chukchak” segment ay: “Naniniwala ka bang may taong tanga?”
Ayon kay Anne Patricia, naniniwala daw siyang may tao talagang tanga na nagtanga-tangahan.
Lahat naman daw kasi tayo ay nilikhang matatalino pero minsan daw ay hindi na rin nag-isip ang ibang tao at piniling magpakabobo.
Lalo na daw tuwing halalan, alam naman daw ng mga tao kung sino ang may kakayahan na mamuno pero nagpapadala pa rin daw sila sa kandidatong may matatamis na salita.
Buong sagot niya, “I believe, oo. Naniniwala akong may taong tanga. Bakit? Dahil sinasadya niyang magpakatanga kahit lahat naman tayo ay may kakayahang malaman kung ano ang tama at mali.
“Nilikha tayong matalino, pero choice natin magpakatanga at sila yung mga totoong taong tanga dahil pinipili nila magpakabobo sa sitwasyong kailangan naman nila at kayang-kaya nilang maging matalino.
"Tulad na lang sa pagpili ng pinuno ng ating bayan. Nagiging tanga tayo dahil alam naman natin kung sino ang may kredibilidad at may kakayahan pero pinipili natin ang mga taong...
“Nagpapadala pa rin tayo sa mga taong may mga matatamis na mga salita at iyan ang pagkakataong may taong tanga. And I thank you.”
Dahil sa kanyang sagot, siya ang tinanghal na grand winner at nag-uwi ng premyong P500K at iba pa.
.1% lang ang lamang niya sa First Runner-up na si Karen Montecillo na nakakuha ng 92 percent, dahil ang kanyang score ay 92.1%.
Samantala, hindi naman nakadalo ang main host ng It’s Showtime na si Vice Ganda “for a valid reason” kung saan kagabi pa raw siya umiiyak.
Read: Vice Ganda issues statement after missing the grand finals of "Miss Q&A: Kween of the Multibeks"