Pinalagan ni Bianca Gonzalez ang basher na nagkomento na wala naman daw views ang videos sa YouTube ng TV host-vlogger at mental-health advocate.
Read: Bianca Gonzalez addresses “may topak ka na” comment on her post about mental health
Sa sunud-sunod na tweets nitong Miyerkules, October 26, 2022, ibinahagi ni Bianca ang screenshot ng comment sa kanya ng basher, kalakip ang saloobin niya tungkol dito.
Caption ni Bianca sa screenshot: "Pa-isa nga lang. Dahil hot topic din naman ngayon ang YouTube, engagement at views.
"I often get this comment meant to insult or bash me: 'Ay, walang views ang vlog niya.'
"Let me get one thing clear: iba-iba ng rason ang tao to create content on YouTube."
Mababasang comment ng basher: "Walang views ang mga vlog niya."
Reply ni Bianca rito: "Hi! May problema ka sa 2,300 na nanood nitong video? Paki-explain naman sa akin ng comment mo [laugh emoji]."
Ayon kay Bianca, may iba't ibang rason ang content creators kung bakit nila pinasok ang mundo ng vlogging.
Saad niya, "Some create content on YouTube as a full-time career, some as a creative outlet, some as a form of self-expression, and some, like me, create content to reach out to others and help.
"Iba-iba ng purpose ng tao sa YouTube and before starting a channel, that should be clear to you."
Nilinaw rin ng TV host na ang hangarin lamang ng kanyang vlog na Paano Ba 'To!? ay makatulong sa mga nangangailangan, may pinagdadaanan, at gustong may makausap.
Pagbabahagi ni Bianca, "From the start, ang #PaanoBaTo ay para makatulong sa problema't pinagdadaanan ng tao, to know they are not alone and to know that they will get through it, by sharing stories that inspire and empower.
"Grateful for brands who share the same vision and partner with me for content.
"Ngayon, kung sa 2,300 na nanood ng video, may 1 o 5 o 10, o kahit 20 na gumaan ang bigat na nararamdaman, nabigyan ng idea on how to handle their problem, o na-inspire makagawa ng solusyon sa pinagdadaanan nila, THAT to me is success.
"That makes my work fulfilling and rewarding."
Naniniwala rin si Bianca na hindi sukatan ang dami ng views, comments, at subscribers para masabing successful ang kanyang vlogging career.
Aniya, "While it would be great for everyone on YouTube to have millions of views, that is not the reality.
"I don't measure my worth as a person with the number of views, subscribers, likes or comments I get.
"My goal with #PaanoBaTo is to empower people to get through tough times."
Sapat na raw kay Bianca na may kakaunting views ang bawat video na kanyang ina-upload kung ito naman daw ay nakatulong at nagbigay inspirasyon sa mga may pinagdadaanan.
"For me, with every video, 2,000 views man yan o 50,000, if there are people who are inspired to go on and keep pushing, that is a huge WIN for me.
"The letters I get from people who say my guest's story inspired them to pursue this, or pushed them to try again, that is priceless."
Pinayuhan din niya ang basher na sa susunod na mag-comment ito ay isipin muna ang dahilan ng pag-iwan ng negatibong komento.
"So the next time you think of commenting, "Ay, walang views" on people's pages:
"1. Did it make you feel good to do that? Happy? If yes, you have issues you need to sort sa sarili mo.
"2. Are you just doing it to poke fun? If yes, please do something more productive sa time mo."
May mensahe rin si Bianca sa mga kapwa niya content creator na kaunti lamang ang views at subscribers.
Saad niya, "To the content creator with a few hundred or few thousand views, go back to the reason WHY you started your channel. What's your goal? What's the purpose of your videos?
"As long as that is clear to you, then other's comments that have nothing to do with that is just noise."
NETIZENS REACT
Sa comments section ng kanyang post, bumuhos ang suporta ng netizens na matagal nang viewers at listener ng kanyang vlog at podcast na Paano Ba 'To!?.
Narito ang ilang komento:
Sa ngayon ay mayroon nang 166,000 subscribers si Bianca sa YouTube.