Ang representative ng Dominican Republic na si Manuel "Manu" Franco ang itinanghal na Mister International 2022.
Tinalo ni Manu ang 34 na contestant mula sa iba't ibang bahagi ng mundo sa grand coronation night na naganap nitong Linggo ng gabi, October 30, 2022, sa New Frontier Theater sa Quezon City.
Si Mister International India Lukanand Kshetrimayum ang itinanghal na first runner-up.
Second runner-up si Mister International Venezuela Orangel Dirinot, habang nakuha ni Mister International Hong Kong ang third runner-up placement.
Nanalo naman bilang fourth runner-up ang Philippine bet na si MJ Ordillano.
Samantala, si Mister International Spain Juan Pablo Colias ang nagwagi bilang fifth runner-up.
Bukod sa grand winner at placers, narito ang iba pang contestant na pasok sa Top 10:
- Cuba – Rubert Manuel Arias Solozábal
- Mexico – Jorge Andrés Villegas Ramon
- Thailand – Surasak Muangkaew
- United States – Daryn Alexander Friedman
Napabilang naman sa Top 16 semi-finalists ang mga sumusunod:
- Brazil – Luan Antonelli Bristot
- Czech Republic – Matej Svec
- Malaysia – Roger Hugo Amandus
- Netherlands – Iliya Shahedi
- Peru – Eleazar Moreno
- Switzerland – Marcel Ignacio Riera
Ilang special awards din ang ipinamigay sa grand coronation night ng Mister International 2022.
Bukod sa titulo, nakuha rin ni Manu ang award for Best in Formal Wear. Best in Swimwear naman si Mister International Spain Juan Pablo Colias.
Mister Photogenic ang nakuha ni Surasak Muangkaew ng Thailand.
Mister Personality ang award na nakuha ni Mister International Albania Boris Gurtner.
Ang Japanese candidate na si Ryo Yatogo naman ang binotong Mister Congeniality ng mga kapwa kandidato nito.
Best in National Costume ang kandidato mula sa Indonesia na si Jason Julius.
Si Neil Perez ang huling titleholder ng Mister International na mula sa Pilipinas. Nanalo siya noong 2014.
READ MORE:
- MJ Ordillano gears up for Mister International 2022
- Parañaque's MJ Ordillano is Mister International Philippines 2022
- Mister International Philippines 2022 candidate Andre Cue, ayaw pagboksingin ng mga magulang
- Roberta Tamondong appointed Miss Grand International 2022 5th runner-up