Maingay na usap-usapan ngayon sa social media ang madamdaming pagganap ni Andrea Torres sa latest episode ng historical portal fantasy ng GMA-7 na Maria Clara at Ibarra.
Nitong Miyerkules ng gabi, November 2, 2022, tuluyan nang nawala sa katinuan ang karakter ni Andrea bilang Sisa matapos mawala ang kanyang mga anak na sina Basilio at Crispin.
Pinagbintangan ni Padre Salvi (Juancho Trivino) na magnanakaw sina Basilio at Crispin. Dahil dito, hinuli ng mga guwardiya sibil ang magkapatid at hindi na muling nakita ni Sisa ang kanyang mga anak.
Read: Juancho Trivino reacts to "basher" of his Padre Salvi role in Maria Clara at Ibarra
Sa episode ding ito binitawan ni Andrea ang mga iconic line sa libro ng Noli Me Tangere: "Crispin! Basilio! Mga anak ko. Nasaan na kayo?"
NETIZENS REACT
Bumilib ang maraming nakapanood ng episode sa ipinamalas na pagganap ni Andrea, lalo na't isa raw ang kanyang karakter sa kilala at talagang inaabangan sa Maria Clara at Ibarra.
Mula pa kagabi, November 2, hanggang ngayong Huwebes ng hapon, November 3, ay patuloy na nasa top trending topic ang pangalan ni Andrea, ang kanyang karakter na si Sisa, at ang hashtag ng kanilang latest episode na #MCIKumpisal.
Narito ang ilang tweet ng netizens:
Mukhang nakarating din kay Andrea ang papuri ng netizens kung kaya't sa pamamagitan ng isang tweet ay nagpasalamat siya sa mga ito.
Tweet ni Andrea (published as is): "Ay grabe sasabog ang puso ko. Sobra kong [na]-appreciate [pray emoji].
"Lalo na pag sinasabi niyo na [hin]di na lang basta baliw si Sisa sa paningin niyo. That's the best [pray, heart, and cry emoji.]"
Dagdag pa niya, "TGBTG [To God Be The Glory.]"