Sa kauna-unahang pagkakataon ay nagpaunlak ng medyo seryosong panayam si Carla Abellana tungkol sa buhay-buhay matapos ang halos isang taon mula nang pumutok ang hiwalayan nila ng asawang si Tom Rodriguez.
Read: Tom Rodriguez at Carla Abellana, hiwalay na tatlong buwan lamang pagkatapos ikasal?
Sa vlog ni Luis Manzano na Luis Listens na lumabas ngayong Martes ng gabi, November 8, 2022, naitanong sa Kapuso actress kung ano ang mga natutunan niya sa pinakamababang punto ng kanyang buhay.
Hindi man tinukoy ni Luis ang tungkol sa hiwalayan nito kay Tom, inamin ni Carla na marami siyang natutunan nitong nakalipas na taon.
Pahayag ng aktres, “Ang pinakaimportante? Siguro itong this past year talaga ha na we will really never know kung ano mangyayari.
“We may make plans or we see everything na nandito tayo sa mundo, tayo nagpaplano, nag-asikaso, lahat.
"But sometimes life just hits you na hindi mo talaga alam what will happen tomorrow.
"Yun bang what you have is just today. No matter how everything is organized or laid out, there are times talaga na unpredictable ang buhay, I guess.”
Paano niya nalampasan ang mga ito?
Tugon niya, "There are times that you have only yourself, parang ganun, na parang you have only yourself to help you, parang ganun.
"I'm not saying naman na lahat tayo we're alone or anything, but yun bang there are times when you can only depend on yourself, or yung sarili mo yung kailangang tutulong din sa sarili mo."
DOES CARLA STILL BELIEVE IN LOVE?
Naniniwala pa ba siya sa love?
Ayon sa Kapuso actress, naniwala naman talaga siya sa love dahil ito ang dahilan kung bakit tayo isinilang sa mundo.
"Honestly, ang love, ang dami naman definition on love but, yes, of course. Kung walang love, wala tayong buhay.”
Dagdag pa niya, “There’s family love, the love of my dogs, the love of your friends, correct, barkada...
"Love, definitely, oo naman. Love is all around, it definitely exists.”
Ano naman ang maipapayo niya sa mga may pinagdaanang kapareho sa kanya?
Sagot ni Carla, "Wala pa ako dun sa position to give whatever advice sa mga currently may mga pinagdadaanan din.
"But like what I always say lang, basta one day at a time, yung ganun lang na wala tayong magagawa, that’s part of life.
"Hindi laging masaya, hindi laging tumatawa, or nakakangiti na whether you are alone in life or with somebody, a complete family.
"May times kumbaga na ganun talaga, things happen. Wala tayong magagawa kundi tanggapin yun.
"And there are certain things or people that we cannot change, siguro on how you react to it na lang.
"So, parang in a year's time, sa buhay ng mga tao, may mga nangyayari talagang hindi naman talaga nila gusto or hindi nila in-expect, di ba?
"Ganun lang yun, as long you don’t give up on yourself."
Sa ngayon, tahimik na nagmu-move on ang estranged couple na sina Carla at Tom.
Read: Tom Rodriguez tells followers to refrain from mentioning Carla Abellana’s name on his IG account