Kulang na lang ang label para masabing magkasintahan na sina Alexa Ilacad at KD Estrada.
Sina Alexa at KD ay kilala rin sa love team na may uniname na KDLEX.
Sa Instagram post ni Alexa kahapon, November 9, 2022, ipinakita niya ang sweet moments nila ni KD na magkayakap at magkatitigan habang nasa photo booth.
Gumamit pa sila ng thought bubble props na may nakasulat na "I [heart] her" at "I [heart] him."
Dinagdagan pa iyon ni Alexa ng sweet message para kay KD na makikita sa Instagram Story ng dalaga.
Masuwerte raw siya sa pag-aalaga sa kanya ni KD.
Sabi ni Alexa (published as is), "when i'm hurt, i know you feel double. when people walk all over me, you're always ready to go to war for me.
"thank you for always protecting me, for being my safe space, and for being strong when i can't fight for myself- since day 1.
"i am in awe of how you love and stand for the people you care about. any girl would be lucky to have a man like you."
REAL SCORE BETWEEN ALEXA AND KD
Sa panayam ng PEP.ph (Philippine Entertainment Portal) noong May 2022, naging bukas sina Alexa at KD sa pagsasabing mahal nila ang isa't isa.
Kinumpirma rin ni KD na masasabing nanliligaw siya kay Alexa.
Pero ayon kay Alexa, hindi sila nagmamadali ni KD pumasok sa relasyon.
Basta kumportable raw sila ingpakita at iparamdam sa isa't isa kung ano ang nararamdaman nila, kahit pa sabihin ng iba na PDA o public display of affection sila.
"We just spend every day giving each other care or whatever appreciation even without a label but we have naman clear boundaries," sabi pa ni Alexa.
Read: Alexa Ilacad reacts to KD Estrada defending her from basher calling her "gas tank"