May bago nang nagpapakilig sa beauty queen na si Nicole Cordoves.
Ito ay makalipas ang anim na buwan mula nang kumpirmahin niyang break na sila ng kanyang lawyer-boyfriend.
May 2022 nang ibuko ni Ruffa Gutierrez sa It's Showtime ang tungkol sa heartbreak ni Nicole, na kapwa hurado ni Ruffa sa "Miss Q&A" segment ng Kapamilya noontime show.
Sinabi pa ni Ruffa na seven years ang itinagal ng relasyon ni Nicole sa boyfriend nito.
Tawa lang naman nang tawa si Nicole na ipinagmalaki ang sexy outfit niya para irampa ang kanyang "revenge body."
Humirit pa noon si Nicole na, "I am reclaiming myself!"
Sa panayam ng PEP.ph nitong November 2022, ibinahagi ni Nicole na may bagong espesyal na taong nagpapasaya sa kanyang puso ngayon.
"Move on? Yeah, definitely, definitely.
"Yes, I am dating right now, and I'm very, very happy," pag-amin ng Miss Grand International 2016 first runner-up.
Nang tanungin kung sino ang idine-date niya, halatang naguluhan si Nicole kung paano ilalarawan ang unnamed guy.
"Non-showbiz, ang hirap i-explain..." sabi niya noong una.
Sabay tukoy niya na puwedeng sabihing taga-showbiz ang lalaki, "Kinda, pero not artista. Within the industry, puwedeng director. Hahahaha!"
Hindi pinangalanan ni Nicole ang lalaking idine-date niya.
Read: Nicole Cordoves weighs in on Binibining Pilipinas withdrawing from Miss Grand International
NICOLE TRIES OUT ACTING IN NEW DIGITAL SERIES
Nakapanayam ng PEP.ph si Nicole sa watch party ng six-part episode action-series na One Good Day, na nagsimulang umere sa Prime Video noong November 17, 2022.
Ayon kay Nicole, ito ang kauna-unahang sabak niya sa pag-arte at suwerte siyang mahuhusay na mga artista ang nakatrabaho niya gaya nina Joel Torre at Ian Veneracion.
Paglalarawan ni Nicole kay Ian: "Ngayon ko lang nalaman kung ano yung leading-man acting talaga. He doesn't break character.
"Naalala ko paakyat siya ng stairs nun, nadapa siya nang slight, pero nandun pa rin yung tingin niya. So, kahit ako, hindi ako nag-break ng character.
"Kaya sabi ko, as a first-time actress, feeling ko ganito pala mag-act ang mga veterans."
Napasabak din sa action scenes si Nicole.
"Abangan niyo episode six. Oh my god! Di ko akalain na kaya kong gawin ang mga ganung pangyayari.
"Nag-action ako, pero patindi nang patindi ang emosyon hanggang episode six. Ang gagaling pa ng mga kasama ko like Tito Joel Torre.
"Saka I'm so glad kasi yung production company, yung Studio 360 company, sobrang ayos nila ka-work.
"So, feeling ko, bilang first-time actress, naging laking ginhawa sa akin," saad niya.
Sa ngayon ay abala rin si Nicole sa ilang shows tulad ng It's Showtime ng Kapamilya Network at Doctor Care ng Pie channel.
Every Sunday morning ipinapalabas ang Doctor Care.
"Para siyang Salamat Dok, but now we're catering to the younger generation. We featured TikTok doctors na medyo sikat ngayon sa TikTok.
"But we sit down with them also because we want to fight mga illegitimate information na medikal lalo na sa Viber," sabi ni Nicole.