Ang kandidata mula sa Korea na si Mina Sue Choi ang kinoronahang Miss Earth 2022 sa grand pageant finale na ginana Martes ng gabi, November 29, 2022, sa Cove Manila, Okada Manila, sa Parañaque City.
Kabilang sa kanyang elemental court o top placers sina Miss Earth Air 2022 Sheridan Mortlock ng Australia...
Miss Earth Water 2022 Nadeen Ayoub ng Palestine...
at Miss Earth Fire 2022 Andrea Aguilera ng Colombia.
Pinalad namang nakapasok sa Top 20 si Miss Philippines Jenny Ramp.
Nagwagi rin siya ng Best in Fauna Costume sa Asia and Oceania.
Bukod kay Jenny, nakapasok sa Top 20 ang representatives ng mga bansang Belgium, Ehtiopia, Brazil, Australia, Colombia, Namibia, Netherlands, Nigeria, Palestine, at Cuba.
Kasama din sa Top 20 ang candidates mula sa Ireland, Korea, Slovenia, Zimbabwe, Vietnam, Norway, Puerto Rico, Czech Republic, at Portugal.
Ang mga kandidata naman mula sa Brazil, Belgium, Zimbabwe, Nigeria, Colombia, Australia, Puerto Rico, Palestine, Cuba, Portugal, Netherlands, at Korea ang mapalad na nakapasok sa Top 12.
Ang mga pumasok sa Top 8 ay sina Palestine, Australia, Korea, Zimbabwe, Belgium, Puerto Rico, Colombia, at Netherlands.
Top 4 naman ang mula sa mga bansang Palenstine, Australia, Korea, at Colombia.
Ang Miss Earth 2022 ang kauna-unahang in-person coronation ng Miss Earth matapos ang dalawang taon.